اسلا م آباد۔28جنوری (اے پی پی) مزن وزیر شاہد خاقان عباسی یک روچی ترءُ تابءِ ھاترءَ کراچی ءَ رھادگ بوتگ۔ مزن وزیر یک شمبےءِ روچءَ لیاری ایکسپریس وے منصوبہ ءِ نارتھ بند کریج وے ءِ بنگیج ءَ کنت۔ اے منصوبہ بازیں سالاں چہ مھتلی ءِ آماچ بوتگ۔ بُنگیج ءَ پد لیاری ایکسپریس وے ءِ منصوبہ سرجمءَ فعال بیت۔ منصوبہ ءِ ریمپس ءَ ھوار مُچ دراجی 38کلومیٹر اِنت کہ ایشی ءِ سرءَ 10ارب کلدارءِ ھرچ اَتکگ۔ ایشی ءِ تہا سہراب گوٹھ، منگھوپیر ، سرشاہ سلیمان ءُ ماڑی پورءَ ھوار چار انٹر چینجز ھوار اَنت۔ ایشی ءَ ھوار 20مزنیں پُل ھم اے منصوبہ ءِ بھر اَنت۔ اے منصوبہ شہرءِ تہا گشادی ءَ گوں گیش بوتگیں ٹریفک ءَ را کم کنگءِ ھاترءَ باز ھاس اِنت۔ کراچی ءِ دھکہ ءُ سپر ہائی وے ( ایم 9) ءَ چہ آؤکیں ٹریفک شہر ءِ تہا آھگءِ بدلءَ وتی منزل ءَ سربوھگءِ ھاترءَ ایکسپریس وے ءَ را کارمرز کنت وھدے کہ منصوبہ ءَ چہ دریا ءِ گوما ھورءُ ھارءِ نقصان گرءُ دار کنگ بنت ءُ ایشی ءَ چہ سرجمیں دمگ ءِ تہا ماحولیاتی پلگارگ المی بیت۔
