اسلام آباد۔ 27 جنوری (اے پی پی) مزن وزیر شاہد خاقان عباسی ءَ گوں ورلڈ بینک ءِ ریجنل وائس پریذیڈنٹ انیتے ڈکسن ءِ سروکی ءَ میاں اوستمانی بینک ءِ یک ڈل ئے ءَ گند ءُُ نند کت۔ ادا مزن وزری گس ءَ گند ءُُ نند ءِ ساھت ءَ ورلڈ بینک ءِ کنٹری ڈائریکٹر پاچھا موٹھو ایلان گووان، میاں اوستمانی مالیاتی ادارگ (آئی ایف سی) ءِ دمگی نائب صدر سنیزانا سٹائلی ءَ را ویک ءُُ ندیم صدیقی ھم انتیے ڈکسن ءِ ھمبراہ اتنت۔ وزیر برائے آپی مڈی سید جاوید علی شاہ، سیکرٹری درئی کار تہمینہ جنجوعہ، سیکرٹری ھزانگ عارف احمد خان، سیکرٹری آپی مڈی شمائل احمد ءُُ ایندگہ کلانہ ایں اپسرگ ھم گند ءُُ نند ءِ ساھت ءَ ساڑی اتنت۔ گند ءُُ نند ءِ ساھت ءَ ورلڈ بینک ءِ شریکی ءَ بندات کتگیں جتا جتائیں دیمروئی منصوبگ ءُُ بھارت ءِ گوما کشن گنگا ءُُ ریٹل ءِ منصوبگ آنی کشاں چیل ءِ سرءَ باست ءُُ واست ھم کنگ بوت۔ مزن وزیر ءَ ڈل ءِ استیں حکومت ءِ ھواریں گر ءُُ داری ایجنڈا آنی بابت ءَ سرپد کت ایشی ءِ سبب ءَ’’ اقتصادی احیاء‘‘ ءُُ اقتصادی دیمروئی ءِ جزگ ءِ کمک رستگ۔
