اسلام آباد۔ 27 جنوری (اے پی پی) مزن وزیر شاہد خاقان عباسی ءَ آدینگ ءِ روچ ءَ جمہوریہ انڈونیشیا ءِ صدر جوکو ویدودو ءِ مزن وزیر گس اسلام آباد ءَ پجگ ءِ پد ءَ وش اتک کنگ بوت۔ مزن وزیر گس ءَ پجگ ءَ پد صدر ویدودو ءَ را سلاھ بندیں ورنائیں ارد آں آرا سلامی دات۔ گپ ءُُ تران ءَ پد مزن وزیر شاہد خاقان عباسی ءُُ صدر ویدودو ءِ نیام ءَ ڈل ءَ تک ءَ دو نیمگی یکوئی ءُُ وت مہ وتی واھگ ءِ پراھ ءُُ شاھیگانیں میاں اوستمانی ءُُ دمگی کار آنی سر ءَ سرجمیں ھیال ریچی کنگ بوت۔ دوئیں سروک آں اے گپ ءِ درشان کت کہ پاکستان ءُُ انڈونیشیا ءِ الس آنی نیام ءَ سیاسی،دود ءُُ ربیدگی نیک راھی یکوئی است انت ءُُ جمہوری بالاد ءِ ھاترا شرپ دار اَنت۔ اسلامی دُگنیا ءِ دُرستاں چہ مستریں ملک بوھگ ءِ سبب ءَ دوئیں ملک دیمروئی ، وشھالی، برجائی، سلامتی ءُُ دمگی سالمی ءِ درگت ءَ یک مشت اَنت۔ دیمپانی ءُ سیکورٹ کمک ءَ را گیش برجا کنگ ءِ سر ءَ تپاک کن اَنت دوئیں سروک آں ناشرکاری ءِ ھلاپ ءَ کمک ءَ را گیش کنگ ءِ سرءَ تپاک ھم کت۔ مزن وزیر شاہد خاقان عباسی ءَ صدر ویدودو ءَ را پاکستان ءَ ناشرکاری ءِ ھلاسی ءِ واستہ کوشست آنی سرجمیں ھال آنی بابت ءَ سرپد کت۔ دوئیں سروک آں تجارتی روگ ءُُ آیگ ءَ را گیش گہتر کنگ ءِ سرءَ تپاک کت۔ دوئیں نیمگ ءَ چہ اے گپ آناں تسلیم کنگ بوت کہ دوئیں ملک آنی تہ ءَ تجارت ءَ را ودینگ ءِ امیت گندگ بوھگ ءَ اَنت ایشاناں دُرستاں چہ پیسر تجارتی منوگری ءَ نپ چست کنگ ءِ ضلورت اِنت۔ دوئیں نیمگ ءَ دوئیں ملک آنی نیام ءَ دُرستاں چہ پیسر تجارتی منوگری ءِ گیشینتگیں کار رپک ءِ چیر دستی ءَ ٹیرف لائنز آناں گیش ودینگ ءِ سر ءَ ھم تپاک کت۔ اے موہ ءِ سرءَ دُرستاں چہ پیسر پیسر تجارتی منوگری ءِ یک شل ءَ آزاتیں تجارتی منوگری ءِ تک ءَ تاں برگ ءِ سرءَ ھم یکجائی ءَ کار کنگ ءِ تپاک کنگ بوت۔
