جانءُ سلامتی ءِ ھوالگءَ جیڑھ ءُ جنجال ءُ جانءُ سلامتی ءِ اِزمت کنگءَ کمک ءِ صلہ
ڈیووس۔26جنوری (اے پی پی) مزن وزیر شاہد خاقان عباسی ءَ سوئٹرز لینڈ ءِ شہر ڈیووس ءَ میاں اوستمانی اقتصادی فورمءِ موھءَ میڈٹرانک ءِ چیف ایگزیکٹو آفیسر عمر اشراق ءَ گوستگیں روچءَ گندءُ نند کتگ۔ راجی جانءُ سلامتی ءُ اِزمت ءِ وزیر سائرہ افضل تارڑ، ھال ءُ اھیوال کاریءِ ملکی وزیر مریم اورنگزیب ، مزن وزیرءِ ھاسیں کمک کار علی جہانگیر صدیقی ءُ دگہ سینئر حکومتی اہلکار ھم اے موھءِ سرءَ ساڑی بوتگ اَنت۔ مزن وزیر ءَ میڈٹرانک ءِ چیف ایگزیکٹو آفیسر ءَ را مزن وزیر جان ءُ سلامتی پروگرام ءُ سرجمیں ملک ءِ تہا حفاظتی ٹکہ آنی کوریج ءَ چہ ھاسل بوتگیں سوبمندی ءَ چہ سرپد کتگ۔ آئیءَ جانءُ سلامتی ءِ آسراتی ءِ پھجارینگ ءِ ھوالگءَ میڈٹرانک ءَ را پاکستان ءَ تربیتی ءُ وانگءُ زانگی بنجاھ پچ کنگءُ پاکستانی نادراھ جاھ آنی گوما شریداری کنگءِ دعوت داتگ۔ مزن وزیر ءَ جان ءُ سلامتی ءِ ھوالگءَ پٹءُ پولءُ دیمروئی ءِ ھوالگءَ یکجائی منصوبہ آنی ضلورتءِ سرءَ زور پِرداتگ۔ گندءُ نند ءِ تہا جانءُ سلامتی ءِ ازمتءِ پھجارینگ ءِ ھوالگءَ بازیں نمونگءِ ھم تپاسی کتگ۔ میڈٹرانک ءِ چیف ایگزیکٹو آفیسر ءَ مزن وزیرءِ شگرءُ منت گپتگ ءُ آؤکیں وھداں جانءُ سلامتی ءِ ھوالگءَ جیڑھءُ جنجالءُ جانءُ سلامتی ءِ اِزمتءَ کمک کنگءِ صلہ جتگ۔ آئی ءَ گشتگ کہ پاکستان ءَ حکومتی یا نجی تکءَ جدید تریں نادراھ آنی جوڈ کنگءَ شریداری ءِ ھم صلہ جتگ۔ زانگ بہ بیت کہ میڈ ٹرانک سرجمیں دنیاءِ تہا جان ءُ سلامتی ءِ جوانیں ءُ جدید ٹیکنالوجی اَستیں کمپنی اِت کہ دلءِ نادراھی ، شکرین ءُ دگہ ناراھی ءِ تپاسءُ علاج کنگءَ بنکی کرد پھجارینگ ءَ اِنت۔
