ڈیووس۔26جنوری (اے پی پی) پاکستان ءُ سعودی عرب ءِ نیامءَ نزیکیں ءُ جہلیں نزیکی ءِ بوھگءَ مزن وزیر شاہد خاقان عباسیءَ ڈیووس ءَ سینئر سعودی وزیر آنی یکجائی گل ءَ گوں گند ءُ نند کتگ کہ ایشی ءِ تہا پاکستانءَ سعودی عرب ءِ بازیں دیمروئی ءِ منصوبہ آنی ھوالگءَ کارانی تپاسی کنگ بوتگ۔ مزن وزیرءِ ھاسیں کمککار علی جہانگیر صدیقی ءُ دگہ سینئر حکومتی اہلکار ا ے موھءِ سرءَ ساڑی بوتگ اَنت۔ گندءُ نندءِ تہا اے گپءِ سرءَ تپاک کنگ بوتگ کہ سعودی حکومت ءِ گوما کہ اے منصوبہ آنی سرءَ گپ ءُ تران بوتگ آھانی سرءَ گشادی ءِ گوما کار کنگ بہ بیت ءُ اے ھوالگءَ پاکستان ءِ سینئر حکام ءِ سرءَ استیں ڈل آؤکیں لھتیں ھپتگانی تہا سعودی عربءِ ترءُ تاب کتگ۔ مزن وزیر ءَ حکومت پاکستان ءُ پاکستانی اُلسءِ نیمگءَ چہ خادم حرمین شریفین شاہ سلمان بن عبدالعزیز، ولی عہد محمد بن سلمان ءُ سعودی عرب ءِ براتیں اُلسءِ ھاترءَ نیکیں واھگءُ واھشتءِ کلوھ ھم دیم داتگ۔
