اسلام آباد۔26جنوری (اے پی پی ) بیپاریءِ وزیر پرویز ملکءَ گشتگ کہ بھارت ءِ نیمگءَ چہ مدامءَ سیمسری ھلاپ ورزی کنگءَ پاکستانءَ ترندیں تکانسری ءِ درشانی کتگ، پیسرگیں مزن وزیر محمد نواز شریف ءِ سرءَ ایچ وڈیں ترندیں جرم ثابت نہ بوتگ آئیءَ را انصاف بہ رسیت۔ جمعہءِ روچءَ مزن گس ءِ ڈنءَ ھال درءَ گوں گپءُ تران کنانءَ آئیءَ گشتگ کہ بھارت پاکستان ءِ امنءُ ایمنی پالیسی ءَ را نیزور سرپد مہ بیت ۔ بنجاھی وزیر ءَ گشتگ کہ ایل او سی ءِ سرءَ تیرگواری ءِ جیڑھ ءَ را سفارتی تک ءَ چست کنگ بوھگءَ اِنت، اُمیت اِنت کہ سفارتی تکءَ جیڑھ گیشءُ گیوار بیت۔ یک جستےءِ پسوءَ بنجاھی وزیر ءَ گشتگ کہ پیسرگیں مزن وزیر محمد نوازشریف ءِ سرءَ ایچ وڈیں ترندیں جرم سابت نہ بوتگ آئیءَ را انصاف بہ رسیت۔ بنجاھی وزیرءَ گشتگ کہ بنی آدمءِ ھکانی بنیاتءَ انڈونیشیا ءَ بندی ذوالفقار ءَ را یل کنگ بہ بیت آ سک نادراھ اِنت۔ دری کارانی وزارت ءَ را ھم اے ھوالگءَ وتی کردءَ را پیلو کنگ لوٹ ایت۔
