صدر ءِ مملکت ممنون حسین ءُُ زالبول ءِ اول بیگم محمودہ ھسین ءَ نور خان ائیر بیس ءِ سرءَ آئی ءَ را وش اتک کت
صدر جوکو ودودو ءِ پارلیمنٹ ءِ یکجائی دیوان ءَ گشتانک، مزن وزیر شاہد خاقان عباسی ءَ گوں گند ءُُ نند کنت
اسلام آباد ۔ 26 جنوری (اے پی پی) انڈونیشیا ءِ صدر جوکو ودودوپاکستان ءَ دو روچی سرکاری تر ءُُ تاب ءَ آدینگ ءِ روچ ءَ نیم روچ ءَ بُنجاھی دارالحکومت ءَ سر بوت زالبول ءِ اول مادام ایریانا ودودو ھم آئی ءِ ھمبراہ اَت۔ صدر مملکت ممنون حسین ءُُ زالبول ءِ اول بیگم محمودہ ممنون حسین ءَ نور خان ایئر بیس ءِ سر ءَ آئی ءَ را وش اتک کت۔ وزیر ءُُ پارلیمان ءِ باسک ءُُ ٹوھیں کارندہ ھم اے موہ ءِ سرءَ ساڑی اتنت۔ انڈونیشیا ءِ صدر ءِ پُجگ ءَ سلامی دیگ بوت۔ صدر جوکو ودودو پارلیمنٹ ءِ یکجائی دیوان ءَ گشتانک ھم دنت۔ وزیر ءُُ تجارتی ڈل ھم صدر ودودو ءِ ھمبراہ انت۔ آئی ءِ ایش پاکستان ءِ اولی تر ءُُ تاب اَنت۔ صدر ءِ مملکت ممنون حسین انڈونیشیا ءِ صدر ءِ بستار ءَ شرپ کرز ایت وھدیکہ آ مزن وزیر شاہد خاقان عباسی ءَ گوں گند ءُُ نند کنت۔ پاکستان ءُُ انڈونیشیا ءِ نیام ءَ نزیکیں راجدپتری ءُُ شاتیں یکوئی برجا اَنت۔ انڈونیشیا پاکستان ءِ ھشتمی مستریں ءُُ آسیان پڑ ءَ دُرستاں چہ ٹوھ تریں تجارتی پارٹنر اِنت۔ دوئیں ملک آنی نیام ءَ تجارتی کساس 2.1ارب ڈالر ھمک سال اِنت۔ صدر جوکو ودودو ءِ تر ءُُ تاب ءَ چہ پاکستان ءُُ انڈونیشیا ءِ نیام ءَ استیں یکوئی گیش برجا بنت۔
