اسلام آباد۔25جنوری (اے پی پی ) کماندررائل سعودی نیول فورسز وائس ایڈمرل فہد بن عبداللہ بن غوفیلی ءِ پاکستان ءِ سرکاری ترءُ تابءِ وھدءَ کراچی ءَ آھگ، ترءُ تاب ءِ اولی بھرءِ تہا کمانڈررائل سعودی نیول فورسز ءَ چیف آف دی نیول اسٹاف ایڈمرل ظفر محمود عباسیءَ گوں نیول ہیڈکوارٹرز ءَ گندءُ نندکتگ ، ترءُ تابءِ دومی بھرءِ تہا وائس ایڈمرل فہد بن عبداللہ ءَ لاہور ءُ کراچی ءَ پاک بحریہ ءِ فیلڈ کمانڈز ءَ گوں گندءُ نندکتگ۔ وتی کراچی ترءُ تاب ءِ تہا وائس ایڈمرل فہد بن عبداللہ بن غوفیلی ءَ کمانڈر کراچی ریئر ایڈمرل اطہر مختار ، کمانڈر کوسٹ ریئر ایڈمرل معظم الیاس ءُ کمانڈر پاکستان فلیٹ ریئر ایڈمرل محمد امجد خان نیازی ءَ گوں جتاھ جتاھ گندءُ نند کتگ۔ گندءُ نندءِ تہا کسبی امور ءِ جیڑھءُ دونیمگی کمک ءِ ھوالگءَ گپ بوتگ۔ سعودی ایڈمرل ءَ خطہ ءِ تہا امنءُ ایمنی ءُ مھکمی ءِ ھاترءَ پاک بحریہ ءِ کردءَ را ساڑاتگ ءُ میری ٹائم سیکٹر ءَ کمک ءَ را گیش کنگءِ ارزشتءِ سرءَ زور پِر داتگ۔ ھاسیں مہمان ءَ پاک بحریہ ءِ یونٹس پی این ایس بہادر ءُ پی این ایس رہبر ءِ ترءُ تاب ھم کتگءُ رائل سعودی نیول فورسز ءَ گوں سیادی داروکیں تربیت زوروکیں افسرءُ کیڈٹس ءَ گوں گندءُ نند کتگ۔

متعلقہ مضامینمصنف کی طرف سے مزید