استیں حکومت ءِ ڈیجیٹل ویژن ءِ کمک ءَ کناں، جوزگ آنی گوما پاکستان ءِ کمک ءَ جاڑی دار آں، جین یس چارلیئر
ڈیووس ۔ 25 جنوری (اے پی پی) مزن وزیرشاہد خاقان عباسی ءَ گوں نامدارایں کاروباری گروپ “ویون ” کہ پاکستان ءَ ٹیلی کام اِزمت پُجاری کنوکیں نامداریں کمپنی “جاز” ءِ نام ءَ برجا اِنت، ایشی ءِ چیف ایگزیکٹو آفیسر جین یس چارلیئر ءَ میاں اوستمانی اقتصادی فورم ءِ موہ ءَ پنچ شمبے ءِ روچ ءَ ادا گند ءُُ نند کت۔ وزیرمملکت انفارمیشن ٹیکنالوجی انوشہ رحمن، مزن وزیر ءِ ھاسیں کمکار علی جہانگیر صدیقی ءُُ کلانہ ایں کارندہ اے موہ ءِ سرءَ ساڑی اتنت۔ مزن وزیر ءَ پاکستان ءَ ویون گروپ ءِ سرمایہ کاری، کرد ءُُ کارپوریٹ چاگردی زمہ واری آنی چست ءُُ ایر، کدرتی آپت ءِ ساھت ءَ کمک کار آناں ساڑات۔ آئیءَ ویون ءِ نیمگ ءَ ’’افرادی قوت‘‘ ءِ ھیل کاری ءَ گوپ ءِ سرمایہ کاری ءِ توسیپ کنان ءَ بازیں پاکستانی آناں دیمروئی دوستیں چاگرد ءِ تہ ءَ کار کنگ ءِ موہ ءِ پُجاری ءَ آئی ءِ شگر گپت۔ سی ای او ویون ءَ پاکستان ءَ ویون ءِ چست ءُُ ایر آنی تہءَ آسراتی پیداک کنگ ءِ پد ءَ حکومت ءِ کمک ءِ شگر گپت ءُُ ڈیجیٹلائزیشن ءِ بابت ءَ پاکستان ءِ کامیاتی آناں لائک ءِ توسیپی نامینت۔ آئی ءَ گوشت کہ آئی ءِ گروپ استیں حکومت ءِ ڈیجیٹل ویژن ءِ کمک ءَ کنت ءُُ جوزگ آنی گوما گامگیج ءِ وسیلگ ءَ پاکستان ءِ کمک ءَ جاڑی دار ایت۔ یات دارگ بہ بیت کہ ویون (جاز) پاکستان ءَ ٹیلی کام اِزمت پُجاری کنوکیں دُرستاں چہ مستریں کمپنی اِنت ءُُ ایشی ءَ پاکستان ءَ اربانی ڈالر ءِ سرمایہ کاری کتگ۔
