پاکستان ءِ اقتصادی نمبگ گوزوکیں سال ءَ 6درسد ءَ تاں سر بنت
ڈیووس ۔ 25 جنوری (اے پی پی) مزن وزیر شاہد خاقان عباسی ءَ گوشت کہ پاکستان ءِ اقتصادی نمبگ گوزوکیں سال ءَ 6درسد ءَ تاں سر بنت۔ آئی ءَ اے گپ میاں اوستمانی اقتصادی فورم ءِ جوڑیشت کار پروفیسر کلاس شواب ءَ گوں تران کنان ءَ گوشت کہ پنچ شمبے ءِ روچ ءَ ادا میاں اوستمانی اقتصادی فورم ءِ ھمک سالی دیوان ءِ ساھت ءَ گند ءُُ نند کت۔ مزن وزیر ءِ ھاسیں کمکار علی جہانگیر صدیقی ھم اے موہ ءَ ساڑی اَت۔ پروفیسر شواب ءَ پاکستان ءِ معشیت ءِ ھوالگ ءَ مزن وزیر ءِ گوما ھیال ریچی کت۔ آئی ءَ معیشت ءِ تہءَ جوانیں نمبگ ءِ در جنگ ءِ واستہ استیں حکومت ءِ کوشست ءُُ گامگیج ءِ ساڑا کت۔ آئی ءَ پاکستان ءِ ورنا آنی آباتی ءِ کساس ءِ زکر کنان ءَ پاکستان ءَ ورنا آنی واستہ روزگار پیداک کنگ ءِ سر ءَ مزن وزیر ءِ دلگوشی ءَ را ساڑات۔
