بانداتءَ منصوبہ آنی ءُ پروگرام آنی سرءَ ھم ھیال ءُ لیکہ ءِ درشانی کنگ بوتگ
اسلام آباد۔ 25جنوری (اے پی پی) مزن وزیر ءِ ھزانگءِ صلہ کار مفتاح اسماعیل ورلڈ بینک ءِ جنوبی ایشیا ءِ صدر امیتے ڈکسن ءُ آئی ایف سی ءِ نائب صدر برائے ایشیا بحرالکاہل مس سینزاناسٹائل جکوک ءَ گوں گند ءُ نندکتگ۔ گندءُ نند ءِ تہا ملکی اقتصادی جاورھال ءِ تپاسی کنگ بوتگ۔ اے وھدءَ پاکستان ءَ ورلڈ بینک ءِ مالی کمک ءِ بانداتءِ منصوبہ ءُ پروگرام آنی سرءَ ھم ھیال ءُ لیکہ ءِ درشانی کنگ بوتگ۔ مزن وزیر ءِ ھزانگءِ صلہ کار مفتاح اسماعیل ءَ ورلڈ بینک ءُ آئی ایف سی ءِ نمائندگاناں ھال داتگ کہ پاکستانءِ تہا معاشی دیمروئی گیش بوھگءَ اِنت۔ آئی ءَ گشتگ کہ برآمدات ءِ تہا گہتری ءَ چہ بیپاری خسارہ ءَ را کم کنگءَ کمک رسیتگ۔ ھزانگءِ صلہ کار ءَ گیش گشتگ کہ بانداتءَ گہتریں اقتصادی دیمروئی ءِ موھ اَست اَنت۔ آئیءَ اُمیت درشان کتگ کہ ورلڈ بینک ءِ نائب صدرءِ ترءُ تابءَ چہ پاکستان ءَ گوں ورلڈ بینک ءُ پاکستان ءِ اقتصادی شریداری گیش مھکم بیت۔ ورلڈ بینک ءِ نائب صدرءَ اوست داتگ کہ پاکستان ورلڈ بینک اقتصادی کمک آؤکیں وھداں گیشتر بیت۔
