اسلام آباد۔25جنوری (اے پی پی) تہی کارانی وزیر احسن اقبال ءَ گشتگ کہ وتی وتی شہیدآنی ھاندانءِ ھیال داری کنگ حکومت ءِ زمہ وار ی اِنت، صوبائی حکومت آناں پنجاپ ءِ وڈءَ پولیس شہیدآنی ھاندانءِ ھاترءَ پیکج جوڈ کنگ لوٹ ایت۔ پنچ شمبے ءِ روچءَ ایوان بالا ءِ تہا سینیٹر کلثوم پروین ءِ جستءِ پسوءَ آئیءَ ھال داتگ کہ کوئٹہ ءَ شہید بوتگیں پولیس افسر حامد شکیل ءُ محمد الیاس ءِ زھگانا ں آھانی تعلیمءِ ردءَ ملازمت پھجارینگ بیت۔ آئی ءَ گشتگ کہ پنجاپ ءِ حکومت ءَ پولیس ءِ شہیدآنی ھاترءَ یک مزنیں پیکج ایر کتگ۔ دگہ صوبائی حکومت ءُ اسلام آبادءِ انتظامیہ ءَ را ھم ھمے وڈیں پیکیج وتی شہیدآنی ھاترءَ جوڈ کنگ لوٹ ایت ۔ آئی ءَ گشتگ کہ وتی شہیدآنی ھیال داری کنگ حکومت ءِ زمہ واری اِنت۔
