اسلام آباد۔ 25جنوری (اے پی پی) ڈپٹی اسپیکر مرتضیٰ جاوید عباسی ءَ ھمگرنچیں حکام ءَ را پنت ءُ شون کتگ کہ آ ڈرون اُرشانی سرءَ ایوانءَ بیا اَنتءُ پالیسی بیان بدے اَنت۔ پنچ شمبےءِ روچءَ راجی اسمبلی ءِ تہا نکتہ اعتراض ءِ سرءَ خواجہ شفقت محمود ءَ گشتگ کہ گوستگیں روچءِ باستءُ باستءِ سوب راجی سلامتی بوتگ۔ اے جیڑھءِ سرءَ اگاں باست واست کنگ بہ بیت گڈا ایشیءِ بازیں بھرے دیمءَ کیئت۔ آئیءَ گشتگ کہ گوستگیں روچءَ کرم ایجنسی ءِ تہا ڈر ون اُرش بوتگ کہ آئی ءِ تہا دو مردم بیران بوتگ اَنت۔ اولی رندءَ تہی کارانی کارگس ءَ ایشی ءِ سرءَ ردعمل داتگءُ ایشی ءَ را ایر جتگ ، بلے اے بس نہ اِنت۔ آئیءَ جست کتگ کہ اے جیڑھ میاں او ستمانی آمیدگسءَ چست کنگ بیت۔ ایشی ءِ سرءَ ڈپٹی اسپیکر ءَ گشتگ کہ وزارت ءَ را سرپد کنگ بہ بیت کہ ایشیءِ سرءَ پالیسی بیان بدے اَنت۔
