ڈیووس۔ 24 جنوری (اے پی پی) مزن وزیر شاہد خاقان عباسی ءَ گوں بل و ملنڈا گیٹس فاؤنڈیشن ءِ کو چیئرمین بل گیٹس ءَ میاں اوستمانی اقتصادی فورم ءِ موہ ءَ ڈیووس ءَ گند ءُُ نند کت۔ بُنجاھی وزیر برائے نیشنل ہیلتھ سروسز ریگولیشن اینڈ کوآرڈینیشن سائرہ افضل تارڑ، وزیر مملکت برائے اھوالکاری ، ءُُ شنگ کاری ءُُ راجی مڈی مریم اورنگزیب، مزن وزیر ءِ ھاسیں کمکار علی جہانگیر صدیقی ءُُ کلانہ ایں سرکاری کارندہ ھم اے موہ ءِ سرءَ ساڑی اتنت۔ مزن وزیر ءَ بل و ملنڈا گیٹس فاؤنڈیشن ءِ نیمگ ءَ پاکستان ءَ ھاسیں رنگ ءَ ھُشکوئی ءِ گرءُُ داری پروگرام ءِ واستہ کمک آناں ساڑاھان ءَ شگر گپت۔ گند ءُُ نند ءَ جان سلامتی ءُُ ایندگہ چاگردی شوبگ آنی تہ ءَ شریکداری ءِ امیت آنی سرءَ ھیال ریچی کنگ بوت۔ اے ساھت ءَ مالیاتی ءُُ ڈیجیٹل ھواری ءِ وسیلگ ءَ کسانیں ءُُ نیامی درجگ ءِ کاروبار ءُُ کشت ءُُ کشاری پڑ ءَ را وت مستر کنگ ءِ گپ ءُُ تران کنگ بوت۔ مزن وزیر شاہد خاقان عباسی ءَ گوشت کہ ما چاگردی شوبگ ءَ گر ءُُ دار ءِ نیمگ ءَ دلگوشی دیگ ءَ آں، جان سلامتی ءُُ زانشتی شوبگ ءَ مئے حکومت ءِ نیمگ ءَ کتگیں استیں ٹوھیں گامگیج آں چہ لس مردم ھاسیں رنگ ءَ گریب ءُُ بزگریں تبک ءَ را دل یکیمی نپ رسیت۔
