اسلام آباد۔ 24 جنوری (اے پی پی) مزن وزیرشاہد خاقان عباسی ءَ گوں اوبر ٹیکنالوجیز ان کارپوریشن ءِ چیف ایگزیکٹو آفیسر دارا خسرو شاہی ءَ ڈیووس ءَ میاں اوستمانی اقتصادی فورم ءِ موہ ءَ گند ءُُ نند کت۔ وزیر ءِ مملکت برائے انفارمیشن ٹیکنالوجی انوشہ رحمن، مزن وزیرءِ ھاسیں کمکار علی جہانگیر صدیقی ءُُ کلانہ ایں سرکاری کارندہ ھم اے موہ ءِ سرءَ ساڑی اتنت۔ مزن وزیر ءَ ’’شیئرنگ اکانومی‘‘ ماڈل ءِ ھمک ’’اول دستہ ‘‘ ءِ کرد ءَ پیلو کنگ ءِ سر ءَ اوبر ءَ را ساڑات ءُُ ایشرا پاکستانی بینک ءُُ مزن وزیر یوتھ پروگرام ءِ گوما شریکداری جوڑ کنگ ءِ دعوت دات تانکہ ڈرائیور آناں اوبر ءِ واستہ گاڑی ءِ فنانسنگ ءَ کمک رست بہ کنت۔ گند ءُُ نند ءَ اوبر ءِ پاکستانی معیشت ءَ جوانیں رنگ ءَ بھر زوری ءِ بابت ءَ امیت آنی سرءَ ھم ھیال ریچی کنگ بوت۔ مزن وزیر ءَ گوشت کہ پاکستان ءِ مارکیٹ ءَ اوبر ءِ واستہ ٹوھیں گنجاھش اَست اِنت۔ یات دارگ بہ بیت کہ اوبر ٹیکنالوجیز ان کار پوریشن یک میاں اوستمانی ٹیکنالوجی کمپنی اِت ایش 633شہر آنی تہءَ کار کنگ ءَ اِنت۔ ایشی ءَ چہ پاکستان ءَ وتی آپریشنز آنی بندات مارچ 2016ءَ کت ءُُ ایش ھپت شہر آنی تہءَ کار کنگ ءَ اِنت ایشی ءِ نتیجگ ءَ 63ہزار ڈرائیور آنی کٹ ءُُ 12لکھ 70ہزار مردم آناں آسراتی پُجاری کنگ ءَ اِنت۔
