حکومت وتی آسراتی آں کارمرد کنان ءَ وانگ ءُُ زانگ ءِ پڑ ءَ جوانیں دلگوشی دیگ ءَ اِنت، مدرسہ آناں مین سٹریم ءَ آرگ ءِ ھاترا گامگیج کتگ
اسلام آباد ۔ 25 جنوری (اے پی پی) توکی کارانی وزیر پروفیسر احسن اقبال ءَ گوشت کہ حکومت وتی آسراتی آں کارمرد کنان ءَ وانگ ءُُ زانگ ءِ نیمگ ءَ دلگوشی دیگ ءَ اِنت، نوکیں دُگنیا ءَ سیکھگ ءِ رپک مٹ بوھگ ءَ اِنت، ٹیکنالوجی کمپیوٹر ءُُ سائنٹیفک لٹریچر ءَ ما سک باز پُشت ءَ آں، پاس بوھوک آنی درجہ بندی ءُُ وانگ ءُُ زانگ ءِ بُرز ءُُ بالائی ارزشت دار ایت، مدرسہ آناں مین سٹریم ءَ آرگ ءِ واستہ حکومت ءَ بازیں گامگیج کتگ۔ پنچ شمبے ءِ روچءَ علامہ اقبال اوپن یونیورسٹی ءَ نیشنل اسسمنٹ سسٹم ءِ چیر دستی ءَ پنچمی نیشنل سٹیک ہولڈر کانفرنس ءَ گشتانک دیان ءَ آئی ءَ گوشت کہ ما وانگ ءُُ زانگ ءِ ھوالگ ءَ اولی زانشتی اسسمنٹ ءِ بابت ءَ ھاسیں دلگوشی نہ داتگ۔ نوکیں دُگنیا ءَ سِکھگ ءِ رپک مٹ بوھگ نوکیں دُگنیا ءَ سکھگ ءِ رپک بوھگ ءَ اِنت، سلیٹ ءُُ لوھ ءِ جاھ ءَ 4جی ٹیکنالوجی اتکگ۔ مرچی قلم ءَ ھوار کمپیوٹر ءِ زانش المی اِنت۔ آئی ءَ وانگ ءُُ زانگ ءِ وزارت ءِ جوانیں کامیاتی در جنگ ءِ پد ءَ مبارکی دات ءُُ گوشت کہ انجیئربلیغ الرحمن ءِ سروکی ءَ وزارت ءَ سک باز المی ایں گامگیج کتگ ایشی ءَ چہ وانگ ءُُ زانگ ءِ بُرز ءُُ بالائی گہتر بوتگ ءُُ پاکستان ءِ زھگ آناں جوانیں زانشت ءِ موہ رسگ ءَ اِنت۔ آئی ءَ گوشت کہ صوبگ آناں ھم اے رد ءَ وتی کاروائی ادا کنگ ءِ ضلورت اِنت۔
