اسلام آباد۔ 25 جنوری (اے پی پی) وزیر مملکت برائے پارلیمانی کار محسن نواز رانجھا ءَ گوشت کہ انڈونیشا ءِ صدر ءِ پاکستان ءِ تر ءُُ تاب وشیں گپ اِت ءُُ ایشی ءَ چہ ملک ءِ معاشی دیمروئی ءِ نوکیں کش پچ کت، دوئیں ملک آنی نیام ءَ بازیں شوبگ آنی تہ ءَ دوستی ءُُ یکوئی گیش برجا بنت۔ اے ھیالانی درشانی آئی ءَ پنچ شمبے ءِ روچ ءَ ’’اے پی پی‘‘ ءَ گوں ھاسیں تران ءِ ساھت ءَ کت اَنت۔ آئی ءَ گوشت پاکستان ءُُ انڈونیشیا ءِ وت مہ وتی راجدپتری یکوئی است اَنت۔ صدر روڈودو ءِ پاکستان ءِ تر ءُُ تاب ءَ چہ ریاستی یکوئی گیش برجا بنت، انڈونیشیا پاکستان ءِ ھشتمی مستریں تجارتی شریکدار اِنت۔ آئی ءَ گوشت کہ پریفرنسیل ٹریڈ منوگری ءَ چہ دوئیں ملک آنی نیام ءَ یکجائی تجارت شاھیگانیں رنگ ءَ دیم ءَ جنزیت۔ اے وھد ءَ پاکستان ءُُ انڈونیشیا کم ءُُ گیش 2.1بلین ءِ ھواریں تجارت کنگ ءَ اَنت۔
