ڈیووس۔24جنوری (اے پی پی) مزن وزیر شاہد خاقان عباسی ءَ گوں چارشمبے ءِ روچءَ سویٹرز لینڈ ءِ شہر ڈیووس ءَ میاں اوستمانی اقتصادی فورم ءِ موھءَ ایشیائی انفراسٹرکچر انویسٹمنٹ بنک ءِ صدر جن لی کیان ءَ گند ءُ نند کتگ۔ مزن وزیر ءِ ھاسیں کمک کار جہانگیر صدیقی ءُ دگہ سینئر حکام ھم اے موھءِ سرءَ ساڑی بوتگ اَنت۔ مزن وزیر ءَ اے جزم ءِ درشانی کتگ کہ پاکستان ایشیائی انفراسٹرکچر انویسٹمنٹ بنک ءِ اولی روچاں چہ وتی جزم ءِ تہا مھکم بوتگ۔ آئی ءَ اے اُمیت ءِ درشانی کتگ کہ بنک ءِ گوما مھکمیں ءُ دراج بھریں سیادی اَست بنت۔ مزن وزیر ءَ بنک ءِ صدر ءَ را پاکستانءِ ترءُ تا ب کنگءِ صلہ جتگ۔ مزن وزیرءَ بنک ءِ صدر جن لی کیان ءَ را ھال داتگ کہ بنجاھ ءِ چیردستی ءَ قبائلی دمگانی دیمروئی ءُ سماجی ءُ اقتصادی رپکءِ تہا آرگ انوگیں حکومت ءِ اولی دلگوشی ءِ تہا ھوار اَنت۔ مزن وزیر ءَ اے گپ ءِ سرءَ زور پِرد اتگ کہ فاٹا ءَ آپ ءَ را مُچ کنگءِ ھاترءَ ڈیم جوڈ کنگءِ ھاترءَ فنڈز پھجارینگءِ ھاترءَ اے دمگانی دیمروئی ءُ آھاناں بنجاھی رپک ءِ تہا آرگ ءِ ھاترءَ کار کنگ بوتگ۔ آئی ءَ اے کارانی سرءَ عمل درآمد کنگءَ بنک ءِ کمک ءِ ضلورتءِ سرءَ زور پِرداتگ۔
