ڈیووس ۔24جنوری (اے پی پی) مزن وزیر شاہد خاقان عباسیءَ گشتگ کہ پاکستانءَ گوستگیں لھتیں سالانی تہا سیاسی مھکمی، امنءُ ایمنی، توانائی ءِ سلامتی ءُ اقتصادی گیشیءِ پڑاں جوانیں سوبمندی ھاصل کتگ، جاپان ءُ پاکستان ءِ نیامءَ اقتصادی کمکءِ دراج بھریں ءُ دیریگیں راج دپتر پاکستانءِ ھاترءَ سک باز ارزشت داریت۔ آئی ءَ اے گپ چارشمبے ءِ روچءَ سویٹررلینڈ ءِ شہر ڈیووس ءَ بوتگیں میاں اوستمانی فورم ءِ موھءَ میاں اوستمانی دیمروئی ءِ ھاترءَ جاپانی بنک ( جے بی آئی سی ) ءِ چیف ایگزیکٹو آفیسر تاداشی مائید اءَ گوں گندءُ نندءِ تہا گشتگ۔ مزن وزیر ءِ ھاسیں کمک کار علی جہانگیر صدیقی ءُ سینئر حکومتی اہلکار ھم اے موھءَ ساڑی بوتگ اَنت۔ مزن وزیر ءَ گشتگ کہ گوستگیں لھتیں سالانی تہا پاکستانءَ سیاسی مھکمی، امنءُ ایمنی ، توانائی ءِ سلامتی ءُ اقتصادی گیشی ءِ پڑآنی تہا جوانیں سوبمندی ھاسل کتگ مارا اُمیت اِنت کہ اے جوانیں اشاریہ آں چہ جاپانی کمپنی ءُ تاجر ءُ صنعت کار پاکستانءِ گوما وتی نزیکی ءَ گیش کنگءَ دلگوشی دیاں۔
