اسلام آباد۔ 24 جنوری (اے پی پی)پاک بحریہ ءِ سروک ایڈمرل ظفر محمود عباسی ءَ آپی شوبگ ءَ اقتصادی چست ءُُ ایر آنی بندات کنگ ءِ ضلورت ءِ سر ءَ زور پر دیان ءَ گوشت کہ وت مہ وتی کمک ءُُ یکجائی کوشست آنی وسیلگ ءَ ملک ءَ آپی معشیت ءَ را برجا کنان ءَ ملک ءِ ھواریں راجی پیداوار ءَ را سئے سر ءَ تاں سر کت کناں، ملک ءَ آپی شوبگ ءِ گہتری ءِ واستہ مارا یکجائی ءَ کار کنگ لوٹ ایت ءُُ ملک ءِ دیمروئی ءُُ وشھالی ءِ واستہ یکجائی کوشست کنگ لوٹ ایت۔ آ چار شمبے ءِ روچ ءَ کراچی چیمبر آف کامرس اینڈ اینڈسٹریز ءِ تر ءُُ تاب ءِ موہ ءَ ھیالانی درشانی کنان اَت۔ تر ءُُ تاب ءِ مول ءُُ مراد ھندی تاجر برات ءُُ آپی شوبگ ءِ نیام ءَ یکوئی پیداک کنگ اِنت تانکہ ملکی معشیت ءَ را دیمروئی دیگ بہبیت۔ کراچی چیمبر آف کامرس اینڈ انڈسٹریز ءِ صدر مفسر عطا ملک ءَ وتی وش اتکی گشتانک ءَ آپی تجارت ءُُ راہداری آنی رکھینگ ءَ پاک بحریہ ءِ کرد ءُُ کوشست آنی ساڑا کت۔ آئی ءَ گوشت کہ اے اولی موہ اِنت وھد ءِ یک نیول چیف ئے ءَ کراچی چیمبر آف کامرس اینڈ انڈسٹری ءِ تر ءُُ تاب کتگ۔
