مزن وزیر شاہد خاقان عباسی ءِ میاں اوستمانی اقتصادی فورم ءَ ” یک پڑ ، یک سڑک ءِ آسر ” ءِ بُن گپ ءِ سرءَ پینل باست ءُُ واست آنی تہ ءَ ھیالانی درشانی

’’یک پڑ یک سڑک منصوبگ بازیں ملک، پڑ ءُُ تہذیب آناں وت مہ وت یکجاھ کنان ءَ اقتصادی دیمروئی ءَ کمکار سہرا بیت، سی پیک منصوبگ ءِ چیر دستی ءَ پاکستان ءَ رسانک، بنیاتی کوکا، ھاٹیگ ءِ مزنیں منصوبگ آنی سرءَ کار بوھگ ءَ اِنت، منصوبگ ءَ چہ دمگی تجارت ءَ را دیمروئی رسیت ءُُ پڑ ءِ الس یک ءِ دومیگ ءِ گوما نزیک تر کاینت
سی پیک ءَ چہ ملک ءَ درملکی سرمایہ کاری ءِ تہءَ گیشی ءُُ پاکستان ءَ در ملکی سرمایہ کارآنی سر دل یکیمی گیش بوھگ ءَ اِنت، پاکستان ءَ سرمایہ کاری ءَ را ھم کچیں موہ رستگ، ما بندرگاہ، ریل ءُُ دگ آنی وسیلگ ءَ نیامی ایشا ءِ ملک آں گوں رابطہ پُجاری کنگ ءَ آں ایشی ءَ چہ نا ایوک ءَ پاکستان بلکینگ ءَ سرجمیں دمگ ءَ نپ رسیت
مزن وزیر شاہد خاقان عباسی ءِ میاں اوستمانی اقتصادی فورم ءَ ” یک پڑ ، یک سڑک ءِ آسر ” ءِ بُن گپ ءِ سرءَ پینل باست ءُُ واست آنی تہ ءَ ھیالانی درشانی
ڈیووس ۔ 24 جنوری (اے پی پی) مزن وزیر شاہد خاقان عباسی ءَ گوشت کہ یکجائیں وشھالی ءِ مول آنی آسر کرز ’’ یکُ ر یک سڑک‘‘ ءِ منصوبگ بازیں ملک ، پڑ ءُُ تہذیب آناں وت مہ وت ھوار کنان ءَ اقتصادی دیمروئی ءَ کمکار سہرا بیت، سی پیکپ منصوبگ ءِ چیر دستی ءَ پاکستان ءَ رسانک، بنیاتی کوکا، ھاٹیگ ءِ ٹوھیں منصوبگ آنی سرءَ کار بوھگ ءَ اِنت، منصوبگ ءَ چہ تجارتی دیمروئی ءَ کمک رسیت ءُُ پڑ ءِ الس یک ءِ دومیگ ءِ گوما نزیک تر کاینت۔ آئی ءَ اے ھیالانی درشانی چار شمبے ءِ روچ ءَ ادا 48چِل ءُُ ھشتمی میاں اوستمانی فورم ءَ ’’یک پڑ یک سڑک ءِ آسر‘‘ ءِ بُن گپ ءِ سرءَ پینل باست ءُُ واست آنی تہ ءَ ھیالانی درشانی کنان ءَ کت۔ پینل ءِ ایندگہ گشتانک کار آنی تہ ءَ ایشین انفراسٹرکچر انویسٹمنٹ بینک ءِ صدر جن لی چن، منیجنگ ڈائریکٹر سائی چن گلوبل لی چن ، چیف ایگزیکٹو آفیسر رشین ڈائریکٹ انویسٹمنٹ فنڈ کیرل دمتری آف ، چائنہ نیشنل مشنیری انڈسٹریل کارپوریشن ءِ چیئرمین رین ہانگ بن، سنگا پورءِ وزیر چان چن سنگ ءُُ چیئرمین اے ای سی او ایم مائیکل ایس برک ھوار اَنت۔ مزن وزیر شاہد خاقان عباسی میاں اوستمانی فورم ءِ صدر پروفیسر کلاس شواب ءِ دعوت ءِ پد ءَ فورم ءِ دیوان ءَ بھر زوری ءِ واستہ دو روچی تر ءُُ تاب ءَ اِنت، مراگش ءَ گشتانک دیان ات گوشت کہ پاکستانی چینی صدر شی جن پنگ ءِ اے جوانیں گامگیج ءَ را شرپ ءِ نگاہ آں چار ایت آئی ءَ وتی وژن ءِ وسیلگ ءَ آیوکیں باندات ءِ واستہ میاں استمانی رابطہ برجا کتگ۔ آئی ءَ گوشت کہ اے گامگیج بازیں براعظم آنی سر ءَ دو سرئی آسرنی بستار ءَ اِنت۔ یات دارگ بہ بیت کہ پاکستان اے 80ملک آنی تہءَ یکیں جہان ءَ چہ ’’بی آر آئی ‘‘ گوزیت ءُُ پاک چین اقتصادی راہدری ایشی ءِ بھر اِنت، بی آر آئی اے ملک آں چہ گوزیت ایشی ءِ میاں اوستمانی جی ڈی پی ءَ 40درسد اِنت ءُُ میاں اوستمانی آباتی ءِ 60درسد اِنت، چار براعظم آنی سر ے سرڈگار شاہراہ ریشم راجدپتر ءِ پڑ ءَ دُرستاں چہ مستریں انفراسٹرکچر پراجیکٹ نامینگ بوھگ ءَ اِنت۔ مزن وزیر ءَ گوشت کہ اے منصوبگ جوانیں راجدپتر ءِ بستار ءَ دیم ءَ اِنت۔ آئی ءَ گوشت کہ اے منصوبگ ءِ چیر دستی ءَ بازیں ملک آنی نیام ءَ اقتصادی چست ءُُ ایر آں ھوار پراھ ءُُ شاھیگانیں دود ءُُ ربیدگی رابطہ برجا بنت۔ آئی ءَ چینی صدر شی جن پنگ ءِ ’’ یک سڑک یک پڑ‘‘ ءِ وژن ءَ را ساڑات ءُُ گوشت کہ پاک چین اقتصادی راہداری (سی پییک) اے گامگیج ءِ المی ایں بھر اِت۔ آئی ءَ گوشت کہ سی پیک منصوبگ ءِ چیر دستی ءَ پاکستان ءَ رسانک، بنیاتی کوکا، ھاٹیگ ءِ ٹوھیں منصوبگ آنی سرءَ کار بوھگ ءَ اِنت۔ آئی ءَ گوشت کہ اے منصوبگ ءَ چہ پڑ ءِ ملک یک ءِ دومیگ ءِ گوما ھور بنت۔ دمگی رابطہ ءِ وسیلگ ءَ پڑ ءِ الس یک ءِ دومیگ ءِ نزیک تر کاینت۔ آئی ءَگ وشت کہ اے منصوبگ ءَ چہ اقتصادی چست ءُُ ایر آناں دیمروئی رسیت ءُُ وشھالی ءِ سبب جوڑ بنت۔ مزن وزیر شاہد خاقان عباسی ءَ گوشت کہ مارا اے منصوبگ ءَ را سیم سر آں تاں سر کنگ لوٹ ایت، ما سڑک، دکہ ، انفراسٹرکچر ءَ را موڈرن جوڑ کتگ۔ آئی ءَ گوشت کہ بیلٹ اینڈ روڈ گامگیج ءِ سبب ءَ جوانیں برورد پاکستان ءَ پیسر ءَ چہ سما کنگ بوھگ ءَ اِنت ھمے وڑ کہ پاکستان ءَ توان ءِ نوکیں منصوبگ برجا کنگ بوھگ ءَ اَنت، مئے صنعت ءُُ برآمد ءِ پڑ دیمروئی بوھگ ءَ اِنت۔ آئی ءَ گوشت کہ ملکی سیمنٹ ءِ صنعت ءِ گنجائش ءَ 56درسد گیشی بوھگ ءَ اِنت، وھدیکہ سی پیک ءَ چہ برآمدات ءَ 15درسد گیشی بوتگ۔ آئی ءَ گوشت کہ اے پڑ ءَ معاشی برجائی المی ایں بھر اِت۔ نزب وزیر ءَ گوشت کہ سی پیک ءَ چہ ریل ءُُ بالی پڑ اپ گریڈ کنگ ءَ آں۔ مزن وزیر ءَ گوشت کہ بی آر آئی لوٹ بوتگیں مالیاتی مھکمی در جتگ ءُُ ایشی ءِ ’’ ماحول ‘‘ گیش گہتر بوتگ۔ آئی ءَ گوشت کہ سی پیک منصوبگ ءَ ماحولیاتی ھرابی ءِ سر ءَ دلگوشی کتگ۔ فرنس آئل ءَ چہ چلوکیں کمو ھرچی پاور پلانٹس آناں نوکیں ٹیکنالوجی ءِ سرءَ برگ ءَ آں وھدیکہ ماحولیاتی رکھینگ ءِ گامگیج ءَ پاکستان یک زمہ واریں ملک ءِ بستار ءَ دیم ءَ پیداک اَنت، پاکستان ءَ ماحول دوسیتیں ٹیکنالوجی ءَ را وتی کتگ۔ مزن وزیر شاہد خاقان عباسی ءَ گوشت کہ پاک چین اقتصادی راہداری ءَ چہ ملک ءَ در ملکی سرمایہ کاری ءِ پڑ ءَ گیشی بوتگ ءُُ پاکستان ءِ سرءَ در ملکی سرمای کاری ءِ سرءَ یکیم برجا بوتگ۔ آئی ءَ گوشت کہ سی پیک معاشی برجائی ءِ درور اِنت ءُُ اے پاکستان ءِ جوانیں لکا ءَ سہرا کنگ ءَ اِنت۔ مزن وزیر ءَ گوشت کہ یک پڑ ءَ سڑک ءِ منصوبگ دمگی تجارت ءَ گیشی ءَ کمکار سہرا بیت۔ مزن وزیر ءَ ایشین انفرراسٹرکچر انویسٹمنٹ ءِ صدر ءِ ھیالاں گوں تپاک کنان ءَ آئی ءَ گوشت کہ حکومت ءَ را منصوبگ آنی جوڑیشت ءِ واستہ آسراتی آنی وڑ ءُُ پیم ءِ سرءَ کارمردی ءَ را دل یکیمی جوڑ کنگی اِنت ءُُ اے رنگیں منصوبگ سہرا کنگ لوٹ اَنت ھما کہ مالیاتی رد ءَ جوان اَنت۔ مزن وزیر ءَ گوشت کہ ما دکہ، ریل ءُُ سڑک آنی وسیلگ ءَ نیامی ایشا ءِ ملک آنی رابطہ پُجارینگ ءَ آں ایشی ءَ چہ نہ ایوک ءَ پاکستان بلکینگ ءَ سرجمیں دمگ ءَ نپ ءُُ سیت رسیت۔ آئی ءَ اے یکیم ءِ درشان کت کہ وت مہ وتی کمک ءِ منصوبگ ءِ سرجمی ءَ گیشی بیت۔ آئی ءَ گوشت کہ بیلٹ اینڈ روڈ گامگیج 2018ءِ میاں اوستمانی اقتصادی فورم ءِ دیوان ءَ چہ سرجمیں ھمگام اِنت ءُُ ھاسیں رنگ ءَ شریک داریں ملک آنی تہ ءَ یکجائی آیوکیں باندات آنی واھگ دار اِنت۔ مزن وزیر ءَ اے گپ ءِ سر ءَ زور پر دات کہ بی آر آئی ءِ چیر دستی ءَ منصوبگ آں چہ توامیں سرمایہ کاری ھاسیں رنگ ءَ ھندی سرمایہ کاری ءَ را یک وڑیں موہ ءِ پُجاری ضلوری اِنت تانکہ گیشاں چہ گیش نپ بہ رسیت۔ پینل باست ءُُ واست آنی بھر زرُتگیں مردم آں دمگی شریکی ءُُ ساپ ءُُ سلئیں انفراسٹرکچر ءِ سر ءَ چمشانک دات ءُُ منصوبگ ءِ ھوالگ ءَ وتی ھیال ءُُ لیکہ آنی درشان کت۔ ایندگہ گشتانک کار آں اے منصوبگ ءَ را دو سرئی سیت نامینت ءُُ گوشت کہ اے ھاسیں رنگ ءَ کمو دیمروئی کتگیں دمگ آنی واستہ اقتصادی تک ءَ سک باز سیت مند سہرا بیت۔ آئی ءَ اے رایہ ءِ درشان کت کہ اے منصوبگ شریکیں ملک آنی نیام ءَ ٹیکنالوجیکل پرک آناں گستا کنگ ءَ کمکار سہرا بیت۔ اگاں ایشی ءَ را بازیں چیلنج گون پدا ھم جوانیں گپ ات کہ شریکیں ملک جیڈھ آنی گیواری ءُُ گہتریں تجروبت آناں کارمرد کنان ءَ یکجائی ءَ کار کنگ ءِ جزمیگ آں۔ بھر زوروکیں مردم آں پراھ ءُُ شاھیگانیں رسانکی رابطہ آنی دیمروئی ءِ سر ءَ زور پر دات تانکہ گیشاں چہ گیش نپ زورگ بہ بیت۔ ایشین انفراسٹرکچر انویسٹمنٹ بینک ءِ صدر ءَ گوشت کہ منصوبگ ءَ چہ ھاسیں رنگ ءَ میاں اوستمانی گہبود بیت ءُُ وت مہ وتی نپ ءُُ سیت آنی وسیلگ ءَ ترس آنی دور کنگ ءَ کمک رسیت۔ باست ءُُ واست ءِ گڈ ءَ میزبان ءَ بھر زوروک آناں منصوبگ ءِ بابت ءَ کمو ھیال ریچی ءِ گوشت گڈا مزن وزیر شاہد خاقان عباسی ءَ گوشت کہ بی آر آئی ءَ چہ روزگار ءِ موہ پیداک بہ بیت وھدیکہ ایندگہ گشتانک کار آں پراھ ءُُ شاھیگانیں شور ءُُ سلاھ، یکجائی رسانکی رابطہ، میاں اوستمانی شریکداری کار ءِ ضلورت ءِ سرءَ زور پر دات۔