اسلام آباد۔22 جنوری ( اے پی پی) مزن وزیر شاہد خاقان عباسی ءَ گشتگ کہ این آر او ءِ سہارہ ءَ دُز زوراں ، مہ ایچ دُزّی نہ کتگ ، مسلم لیگ (ن) ءَ حکومتی نظام مزنیں ساپءُ سلائی ءِ گوما کتگ، ھمے ھاترءَ مارا ایچ این آراو ءِ ضلورت نہ اِنت، بدءُ رد کنوکیں مردمانی گوما چے سیاسی گپءُ تران بہ بیت؟ آھانی گوما آؤکیں گچین کاری ءِ موھءَ گپ بیت، مسلم لیگ (ن) نواز شریف ءِ عکسءَ دستءَ کنتءُ آؤکیں گچین کاری ءَ بھر زوریت، ھمک ادارگ وتی ھدءُ سیمسرآنی تہا کار بہ کنت گہتر بیت، دنیاءِ تہا پدر کتگ کہ پاکستان ءَ چہ گیش اوگانستانءِ تہا دگہ کس امن ءُ ایمنی ءِ واھشت مند نہ اِنت۔ اے ھیالانی درشانی آئی ءَ مزن گسی رپورٹرز ایسوسی ایشن ( پی آراے) ءِ ایگزیکٹو کمیٹی ءَ گوں گندءُ نندءِ وھدءَ کتگ۔
