پاک ارد ءِ دژمن آں گوں گر ءُُ چیل بوھگ ءَ تیار اِنت، وطن ءِ دیمپانی ءِ واستہ سرجمیں راج پاک اُرد ءِ گوما ھمگام ءَ اوشتاتگ، پاکستان کشمیری آنی گوما وت واجہ ءِ واستہ سیاسی، اخلاقی ءُُ سفارتی کمک ءَ جاڑی دار ایت
وزیر ءِ دیمپانی انجینئر خرم دستگیر خان ءِ لائن آف کنٹرول ءِ تر ءُُ تاب ءِ ساھت ءَ تران
اسلام آباد ۔ 22 جنوری (اے پی پی) وزیر دیمپانی انجینئر خرم دستگیر خان ءَ گوشت کہ مئے ارد ءُُ شہری آنی شہات ءَ سرجمیں راج ءِ دلبڈی ءَ را گیش مھکم کتگ۔ پاک اُرد دژمن آں گوں گر ءُُ چیل بوھگ ءِ واستہ ھمک ساھت تیار اِنت۔ جارچین وزارت ءِ دیمپانی ءِ رد ءَ آ دوشمبے ءَ آزات کشمیر ءَ لائن آف کنٹرول ءِ تر ءُُ تاب ءِ ساھت ءَ تران کنان ات۔ وزیر ءِ دیمپانی خرم دستگیر خان ءَ گوشت کہ وتی وت واجئی ءِ دیمپانی ءِ واستہ ھمک کیمت ادا کنگ ءَ تیار آں۔ آئی ءَ گوشت کہ پاکستان کشمیری آنی وت واجئی ءِ ھک رسانی ءِ واستہ سیاسی، اخلاقی ءُُ سفارتی کمک ءَ جاڑی دار ایت۔ وزیر ءِ دیمپانی ءَ ایل او سی ءِ چری کوٹ سیکٹر ءِ سر ءَ مورچہ آنی تر ءُُ تاب ءَ کنان ءَ ورنا آں گوں گند ءُُ نند کت۔ وزیر ءِ دیمپانی ءَ ماتیں وطن ءِ دیمپانی ءِ واستہ پاک اُرد ءِ کار آناں ساڑات۔ خرم دستگیر خان ءَ گوشت کہ وطن ءِ دیمپانی ءِ واستہ سرجمیں راج پاک اُرد ءِ گوما ھمگام ءَ اوشتاتگ۔ آئی ءَ گوشت کہ بھارتی فورسز آنی نیمگ ءَ شہری آباتی آنی سرءَ گولہ باری کنگ لائک ءِ مذمت اِنت، 2017ءَ ایل او سی ءِ سرءَ بھارتی جاک ءُُ کوکار ءِ توامیں ریکاٹ پرشتگ اَنت۔ کور کمانڈر راولپنڈی ءُُ جی او سی ءَ وزیر ءِ دیمپانی ءَ را ایل او سی ءِ نوکیں جاور ھال آنی بابت ءَ سرپد کت۔
