اسلام آباد۔22جنوری (اے پی پی) راجی اسمبلی ءِ دیوان دوشمبے ءِ روچءَ کورم سرجم نہ بوھگءِ سرءَ لھتیں دیرانی ھاترءَ مھتل کنگ بوتگ۔ شیریں مزاری ءَ گشتگ کہ اے کجام جمہوریت اِنت کہ مئے لیڈر ءِ ھلاپ ءَ گوشتانک دیئگ بوتگ ءُ تپاک نامہ ھم پاس کنگ بوتگ مارا گپ کنگءِ ھم اجازت نہ دیئگ نہ بوتگ۔ اسپیکر ءَ گشتگ کہ جُستءُ پُرس ءَ پد اجازت دیاں۔ ایشی ءِ سرءَ شیریں مزاری ءَ اے وھدءَ کورم ءِ نشاندہی کتگ۔ ھساب کنگءَ کورم سرجم نہ بوتگ تاں کورم سرجم بوھگءَ مھتل بوتگ۔
