کسبی امور ءُ دونیمگی بحری شریداری ءِ سرءَ ھیالءُ لیکہ ءِ درشانی کنگ بوتگ
اسلام آباد۔22جنور ی (اے پی پی ) کمانڈر رائل سعودی نیول فورسز وائس ایڈمرل فہد بن عبداللہ الغوفیلی ءَ نیول ہیڈ کوارٹرز ءِ ترءُ تاب کتگءُ پاک بحریہ ءِ سروک ایڈمرل ظفر محمود عباسی ءَ گوں گند ءُ نند کتگ۔ نیول ہیڈ کوارٹرز سربوھگءَ پاک بحریہ ءِ سرو ک ءَ کمانڈررائل سعودی نیول فورسز ءَ را وش اَتک کتگ۔ پاک بحریہ ءِ دستہءَ شرپ مندیں مہمان ءَ را سلامی پیش کتگ۔ ایشی ءَ پد کمانڈر رائل سعودی نیول فورسزوائس ایڈمرل فہد بند عبداللہ الغوفیلی ءَ پاک بحریہ ءِ سروکاں گوں گندءُ نند کتگ۔ گندءُ نندءِ تہا کسبی امور ءُ دونیمگی بحریکی شریداری ءِ سرءَ ھیال ءُ لیکہ ءِ درشانی کنگ بوتگ۔ دوھیں ملک آنی بحری فوج آنی درنیامءَ کمکءِ پڑآں گپءُ تران بوتگ۔ ھاسیں مہمانءَ را یک الکاپیں شونشتے ھم دیئگ بوتگ ۔ ترءُ تابءِ دومی بھر ءِ تہا وائس ایڈمرل فہد بن عبداللہ الغوفیلی لاہور ءُ کراچی ءَ نیول فیلڈ کمانڈز ءَ گوں گندءُ نند کنت۔ پاک بحریہ ءُ رائل سعودی نیول فورسز آنی نیامءَ دیریگیں براتیں سیادی اَست اَنت۔ رائل سعودی نیول فورسز انی تشکیلی سالانی تہا پاک بحریہ ءِ نیمگءَ چہ داتگیں تربیتی آسراتی ءُ تکنیکی شور ءُ صلاھ آں دوھیں ملک آنی بحری فوج آنی درنیامءَ نزیکیں سیادی ءِ گیشی ءِ مھکمیں بنیات ایر کتگ۔ رائل سعودی نیول فورسز ءِ بازیں مزنیں ءُ سینئر آفیسر آناں پاکستان ءِ تہا تربیت پھجارینگ بوتگ۔ ایشیءَ ابید وائس ایڈمرل فہد بن عبداللہ الغوفیلی، رائل نیول سعودی نیول فورسز آنی سئمی سروک اِنت کہ پاکستان نیول اکیڈمی ءِ گریجویٹ اِنت۔ کمانڈررائل نیول فورسز ءِ عہدگ سنبھالگءَ پد وائس ایڈمرل فہد بن عبداللہ الغوفیلی ءِ اے اولی درملکی ترءُ تاب اِنت کہ پاکستانءِ گوما آئیءِ نزیکیں سیادی اِنت۔ کمانڈررائل سعودی نیول فورسز آنی سروک ءِ اے تر ءُ تاب دوھیں ملک آنی بحری فوج آنی نیامءَ دونیمگی سیادی ءِ تہا گیش مھکمی ءِ سوب جوڈ بیت۔
