اسلام آباد۔ 22جنوری (اے پی پی) مزن وزیر شاہد خاقان عباسی ءَ دوشمبے ءِ روچءَ مزن گسءَ ’’ جمہوریت ءِ بے نامیں بامرد‘‘ ءِ یات گارءِ سرءَ پھلانی چادر پِرداتگ۔ سینیٹءِ چیئرمین میاں رضاربانی ، راجی اسمبلیءِ اسپیکر سردار ایاز صادق ، سینٹءِ تہا قائد ایوان راجہ ظفر الحق ءُ کمءُ گیش دراھیں مزن گسی سیاسی گلانی نمائندگ ھم آئیءِ ھمراھ بوتگ اَنت۔ یات گارءِ سرءَ پھلانی چادر پِر دیئگ ءِ مراگش مزن وزیرءُ مزن گسی باسکانی مھکمیں جمہوریت ءِ ھاترءَ جہلیں واھشت، ملک ءِ تہا جمہوری دودءُ ربیدگءِ پلگارگ ءُ گیش کنگءِ عکس کشی اِنت۔ اے یات گار ءِ بُنگیج مارچ2017ءَ کنگ بوتگ۔ مراگشءِ تہا جماعت اسلامی ءِ رہنما سراج الحق، ڈپٹی چیئرمین سینٹ مولانا عبداغفور حیدری ، سینیٹر نہال ہاشمی ، مولانا تنویر الحق تھانوی ءُ دگہ ھم ساڑی بوتگ اَنت۔
