ہری پور۔ 20 جنوری (اے پی پی) پیسریگیں مز ن وزیر محمد نواز شریف ءَ گوشت کہ لاہور مال روڈ ءِ سرءَ مچی ءَ ھالیگیں کرسی آں ھلاپ کنوک آنی راستیں بالاد پیش داشت۔ یک ءِ دومیگ ءِ گوما زاھ ءُُ بد دیوک مسلم لیگ (ن) ءِ ھلاپ ءَ یک پاد ءَ اوشتاگ آں، نوکیں پاکستان جوڑ کنوک بگش اِت کہ چینکیاس ہسپتال ءُُ یونیورسٹی برجا کتگ۔ خیبر پختونخوا ءَ توان ءِ ٹوھیں منصوبگ آرگ ءِ جار جنوک کجا شتگ اَنت۔ آ شمبے ءِ روچ ءَ کرٹس گرا182نڈ ہری پور ءَ السی مچی ءَ گوں گشتانک دیان ات۔ مچی ءَ گوں نواز شیریف ءِ زھگ مریم نواز ءَ ھم گشتانک دات۔ اے موہ ءِ سر ءَ بُنجاھی وزیر نیک راھی کار سردار محمد یوسف، ڈپٹی سپیکر قومی اسمبلی مرتضیٰ جاوید عباسی،سینیٹر پرویز رشید،سینیٹر ڈاکٹر آصف کرمانی،مزن وزیر ءِ مشیر برائے ہوابازی سردار مہتاب احمد خان،ممبر قومی اسمبلی بابر نواز خان،امیر مقام،پیسریگیں سر وزیر پیر صابر شاہ ھم آئی ءِ ھمراہ اتنت۔
