کلورکوٹ (بھکر) ۔ 20مزن وزیر شاہد خاقن عباسی ءَ شمبے ءِ روچ ءَ کلور کوٹ ءُُ ڈھکی ءِ نیام ء دریائی سندھ ءِ سر ءَ یک نوکیں پُلے ءِ جوڑیشی بُن ھشت ایر کت۔ اے وھد ءَ ، پُل ، بیراج/ہیڈورکس ءَ ھوار 15دمگ آں دریائے سندھ ءِ سر ءَ چہ گوزگ بیت ءُُ اے ھند آنی پراھ ءُُ شاھیگانی18 ءَ چہ 20فٹ انت، ایش استیں ٹریفک ءِ واستہ سرجم ءُ پرجم نہ اِنت۔ اے پُل دریائے سندھ ءِ روبرکتی دمگ ءَ انت کلور کوٹ ءَ را روبرکتی دمگ ءَ را یکجاھ کنگ لُککوکیں کشک پُجارین ایت۔ اے وھد ءَ کلور کوٹ ءُُ ڈھکی ءِ نیام ءَ درستاں چہ نزیک تریں روگ ءُُ آیگ چشمہ بیراج اِنت، ایشی ءِ مساپری 80 کلومیٹر اِنت ایش کساس دو کلاک ءُُ نیم ءِ پند اِنت۔ایشی ءِ دومی رابطہ ڈیرہ اسماعیل خان /دریا خان پل ایگ اِنت، ایشی ءِ دُوری 126کلومیٹر بیت، ایش دو کلاک ءُُ نیم ءَ سرجم بیت۔ اے پُل ءِ جوڑیشت ءَ چہ کلور کوٹ ءُُ ڈھکی ءِ نیام ءَ پند ایوک ءَ 15کلومیٹر بچ ایت۔ نوکیں پل پنجاپ ءُُ خیبر پختونخوا ءِ نیام ءِ یک نوکیں روگ ءُُ آیگ ءِ آسراتی ءِ پُجارین ایت، ایشی ءَ چہ دوئیں صوبگ آنی نیام ءَ کشت ءُُ کشاری توم ءُُ ایندگہ چیز آنی برگ ءُُ آرگ ءِ تہ ءَ آسانی بیت۔ پل ءِ جوڑیشت ءَ چہ گوریچانی ءُُ زرّبار ءِ نیام ءَ یک دگہ ٹریفک ریڈور ءِ پُجاری بیت۔
