کراچی ۔ 20جنوری (اے پی پی ) ملکءِ صدر ممنون حسین ءَ گشتگ کہ راج وتی زبان ، راج دپتر، دودءُ ربیدگ ءَ چہ پجّارگ بیت بلے ایشانی تہاگیش ارزشت زبان ءَ اَست اِنت، ایوان صدر ءَ زمہ واری سنبھالگءَ پد من اُردو ءِ دیمءَ آرگءَ بازیں گامگیج کتگ، درساں چہ پیسر من ایش کتگ کہ پاکستانءِ تہا راجی تک ءِ یا کجام وڈے موھے بہ بیت ڈنی ملکءَ میاں اوستمانی ادارگانی مراگش ءُ کانفرنس ، من ھمک موھءَ اُردو ءَ گوشتانک داتگ۔ شمبے ءِ روچءَ ملکءِ صدر ممنون حسینءَ انجمن ترقی اُردو ءِ منصوبہ اردو باغ کمپلیکس ءِ بنگیج کتگ۔ اے موھءِ سرءَ یک مراگشے ءَ گوں تران کنانءَ آئی ءَ گشتگ کہ اُردو ءَ را وانگ ءُ زانگءِ تہا ارزشت دیئگءَ ورناھیں نودربرانی زانت کاری گیش بنت ءُ زندءِ بازیں بازیں تھک ءُ پھناتاں جوانیں کارءُ کرد پیش دار اَنت۔ اے موھءِ سرءَ کراچی ءِ میئر محمد وسیم اختر، صدر انجمن اُردو ذوالقرنین حیدر جمیل ءُ فاطمہ حسن ھم ساڑی بوتگ۔ صدر ممنون حسینءَ گشتگ کہ اُردو باغ تنا یک ماڑی یا تعمیراتی منصوبہ نہ اِنت بلکیں یک آشوبے ءِ بندات اِنت کہ ایشی ءِ سیادی پاکستان ءِ نظریاتی پجّار ءُ آئیءِ دیمروئی ءُ وشھالی اِنت۔
