اسلام آباد۔ 19 جنوری (اے پی پی) صدر مملکت ممنون حسین ءَ گوشت کہ پاکستان جان سلامتی ءِ شوبگ ءَ سک باز ارزشت دنت ءُُ جان سلامتی ءِ بنیاتی کوکا ءَ را گہتریں رنگ ءُُ الس ءِ جوانیں جان سلامتی ازمت ءِ پجاری ءِ واستہ ھمک رنگ ءِ گامگیج چست کنگ ءَ انت۔ آئی ءَ اے گپ رائل کالج آف فزیشنز برطانیہ ءِ ڈل ءَ گوں گپ ءُُ تران کت آئی ءَ آدینگ ءِ روچ ءَ صدر جین ڈیکر ءِ سروکی ءَ ایوان ءِ صدر ءَ آئی ءَ گوں گند ءُُ نند کت۔ ڈل ءَ آئن بولک، پروفیسر علی جواد، پروفیسر عامر غفور خان، پروفیسر جاوید اکرم ءُُ سٹیو کرمپ ھوار اتنت۔ وزارت ءِ جان سلامتی ازمت ءُُ ایوان صدر ءِ کارندہ ھم اے موہ ءِ سر ءَ ساڑی اتنت۔ صدر ءِ مملکت ءَ پاکستانی ڈاکٹر آنی گوما رائل کالج آف فزیشنز ءِ شریکداری ءَ را ساڑات ءُُ گوشت کہ وت مہ وتی کوشست آنی وسیلگ ءَ ’’فیوچر ہاسپیٹل پاکستان‘‘ ءِ وڑیں منصوبگ نادُراھ آنی گر ءُُ دار ءِ جوانیں درور بنت۔ آئی ءَ اے گپ ءِ سر ءَ زور پر دات کہ ما یکجاھ باں ءُُ جان سلامتی پڑ ءَ دیم پہ دیمیں بیم آنی دور کنگ ءَ کمکی کرد ءَ پیلو کت کن اَنت۔
