اسلام آباد۔ 19 جنوری (اے پی پی) مزن وزیر شاہد خاقان عباسی ءَ گوشت کہ سوداگر آںی معشیت ءِ دیمروئی ءَ المیں ایں کرد ءِ است ءُُ تاجر برات آنی ھک ءِ رکھینگ ءِ واستہ استیں جمہوری حکومت جزمیگ اَنت، تاجر برات آنی کوھنیں جیڈھ آناں زوت گیوار کنگ بیت۔ آئی ءَ اے گپ انجمن تاجران اسلام آباد ءِ ڈل ءَ گوں گپ ءُُ تران کنان ءَ گوشت انت آئی ءِ گوماآدینگ ءِ روچ ءَ مزن وزیر کارگس ءَ آئی ءَ گوں گند ءُُ نند کت۔ انجمن تاجران اسلام آباد ءِ ڈل ءَ مزن وزیر ءَ را اسلام آباد ءِ تاجر برات آناں دیم پہ دیمیں جیڈھ آں ھوار کرایہ ءِ کانود ءِ جیڈھ ءِ ھوالگ ءَ ھاسیں رنگ ءَ سرپد کت ءُُ جیڈھ آنی گیواری ءِ واستہ دزبندی کت آ اسلام آباد ءِ تاجر آنی جیڈھ ءِ گیواری ءِ واستہ کانود جوڑ کنگ ءِ بابت ءَ ترجی دیگ ءِ رد ءَ گامگیج چست کنت۔ مزن وزیر ءَ اسلام آباد ءَ تجارتی بُنجاھ ءِ ایندگہ جیڈھ آنی گیوارید ءَ دیم پہ دیمیں جیڈھ آنی گیواری کنگ ءِ پنت ءُُ شون دات۔
