اسلام آباد ۔ 19جنوری (اے پی پی)وزیر مملکت اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ ملک ءِ نامداریں وش نویس ءُُ شاھزانت ءُُ کسمانک کار ءُُ اھوالکار ءُُ چاگردی باسک منو بھائی ءِ بیرانی ءِ پد ءَ گرانیں ڈکھ ءُُ اندوھ ءِ درشان کنان ءَ گوشت کہ آئی ءِ بیرانی ھمک نرم دلیں مردم ءِ واستہ ٹوھیں گم جتی اِت ءُُ اے ٹوھیں چاگردی تاوان اِت۔ آدینگ ءِ روچ ءَ مریم اورنگزیب وتی دلپدردی کلوہ ءِ تہ ءَ آئی ءَ گوشت کہ وزیر آباد ءَ چہ منیر احمد قریشی ءِ نام ءِ نام ءَ ھما زھگ ءَ اے دُگنیا ءَ چم پچ کتگ بوتگ اَنت، السی جوزگ ءِ واھگ ، بنی آدم آں گوں دوستی، ایشانی جیڈھ آنی گیواری ءِ جوزگ ءَ ایشرا منو بھائی جوڑ کتگ۔ آئی ءَ علم ءُُ ادب ءِ توامیں شوبگ آنی تہءَ نام کٹ اِتگ ءُُ ورنا یں باھندآناں امیت ءُُ جست ءُُ پرس ءِ کلوہ دیان ءَ ایشانی رھشونیءِ واستہ کوشست کتگ۔ تیلیسیمیا ءِ آماچیں زھگ آنی واستہ سندس فاؤئڈیشن ءِ رنگ ءَ ٹوھیں کار ءِ کتگ۔ وزیر ءِ مملکت مریم اورنگزیب ءَ ھُدا مرزی ءِ بُرز ءُُ بلندیں درجگ ءُُ پشمندگ آنی واستہ سبر ءُُ اوپار کشی ءِ دُعا ءِ نیک کت۔
