اسلام آباد ۔ 19 جنوری (اے پی پی) بُنجاھی وزیر برائے بنی آدم آنی ھک ممتاز احمد تارڑ ءَ شاھزانت، وش نویس ، کسمانک کار ءُُ اھوالکار منو بھائی ءِ بیرانی ءِ پد ءَ گرانیں ڈکھ ءُُ اندوھ ءِ درشان کت ۔ آدینگ ءِ روچ ءَ وتی دلپدردی کلوہ ءِ تہ ءَ آئی ءَ گوشت کہ ایشی ءِ بیرانی ملکءَ ادبی ءُُ اھوالکاری پڑ ءَ مزنیں تاوان اِنت۔ آئی ءَ علم ءُُ ادب ءِ توامیں شوبگ آنی تہءَ وتی نام کمائینتگ ءُُ ورنائیں باھند آنی امیت ، یکوئی ءُُ پٹ ءُُ پول ءِ کلوہ دیگن ءِ واستہ کلم ءِ کارمردی کتگ۔ تھیلیسیمیا ءِ نادُراھیں زھگ آنی الاج ءِ واستہ آئی ءَ سندس فاؤنڈیشن برجا کتگ ایش صدقہ ءِ جاریہ ات۔ آئی ءَ ھُدا مرزی ءِ آکبت پہ ھیری ءَ دُعانیک کت ءُُ پشمندگ آنی واستہ سبر ءُُ اوپار کشی ءَ ھم دُعا کت۔
