اسلام آباد ۔ 19 جنوری (اے پی پی) چیئرمین سینٹ میاں رضا ربانی ءَ کلانہ ایں سسا ساچ ءُُ وش نویس منو بھائی ءِ بیرانی ءِ پد ءَ گرانیں ڈکھ ءُُ اندوھ ءِ درشان کت ۔ منوبھائی ءِ لوگ ءِ مردم آں گوں دلپدردی ءِ درشان کنان ءَ رضا ربانی ءَ گوشت کہ منو بھائی ءِ ادب، اھوالکاری ءُُ چاگردی شوبگ آنی جوزگ مُدام یات کنگ بنت۔ آئی ءَ گوشت کہ منو بھائی ءَ گرانیں ساھت ءَ ھم راستی ءُُ مادنیں راھ ءِ کشک گوں وت زرتگ بوتگ۔ اللہ تعالیٰ ناں ایوک ءَ آئی ءِ لوگ ءِ مردم بلکینگ ءَ سرجمیں راج ءَ را اے گرانیں ڈکھ ءِ سگگ ءِ زکت ءَ بدیات ءُُ منو بھائی ءَ را وتی رحمت آنی تہ ءَ جاھ بدیات۔ ڈپٹی چیئرمین سینٹ مولانا عبدالغفور حیدری، سینٹ ءِ ایوان ءِ سروک راجہ محمد ظفرالحق ءُُ بُکگ جنوکیں پارٹیءِ مستر اعتزاز احسن ءَ ھم شاھزانتیں وش نویس ءِ بیرانی ءِ پد ءَ دلپدردی ءِ درشان کنان ءَ آئی ءِ گس ءِ مردم آں گوں یکوئی ءِ درشان کت۔
