اسلام آباد۔ 18 جنوری (اے پی پی)صدر مملکت ممنون حسین ءَ گوشت کہ وش نوشتی مسلمان آنی ٹوھیں ءُُ دود ءُُ ربیدگی مڈی ات ایشی ءِ سرءَ دلگوشی دیان ءَ پاکستان ءُُ اسلامی دُگنیا وتی تچک ءُُ راستیں لیکہ آں پیش کت کنت۔ آئی ءَ اے گپ مسجد ءِ نبوی ءِ پاکستانی وش نوشت استاد شفیق الزمان ءَ گوں گپ ءُُ تران کنان ءَ گوشت آئی ءَ پنچ شمبے ءِ روچ ءَ ایوان ءِ صدر ءَ وتی ڈل ءِ ھمبراھی ءَ آئی ءَ گوں گند ءُُ نند کت۔ صدر ءِ مملکت ءَ گوشت کہ اے گپ مئے واستہ لائک ءِ توسیپ اِنت کہ یک پاکستانی وش نویس ءِ ءَ را حرم نبوی ءَ وش نوشتی ءِ موہ رستگ، ایشی ءَ چہ ایوک ءَ شفیق الزمان ناں پاکستان ءِ نیک نامی ءَ ھم گیشی رسیت۔ آئی ءَ گوشت کہ استاد شفیق الزمان ءِ ازم ءَ چہ ورنائیں وش نویس آناں نوکیں زمانگ ءِ وش نویسی سیکھگ ءِ موہ رسیت ءُُ آ یوکیں باندات ءَ وتی نام ءَ پیداک کت کن اَنت۔ صدر ءِ مملکت ءَ گوشت کہ وش نویس آناں نوکیں دُگنیا ءَ چہ نوکیں جنز آں چہ نپ چست کنگ لوٹ ایت ءُُ نوکیں وش نویسی ءَ چہ جوانیں برورد دیم باید اِنت بئیت۔ صدر ءِ مملکت ءَ گوشت کہ اے مسلمان آنی دود ءُُ ربیدگی مڈی اِنت ایشرا دیم ءَ جنزینگ ءِ ضلورت اِنت۔ اے موہ ءِ سر ءَ نامداریں پاکستانی وش نویس واصل شاہد ءَ پاکستانی وش نویس آنی ازمکاری آنی تاکبند ’’ن والقلم‘‘ ھم صدر ءِ مملکت ءَ را پیش کت۔
