اسلام آباد۔ 18 جنوری (اے پی پی) وزیر مملکت برائے اھوالکاری ءُُ شنگ کاری ءُُ راجی مڈی مریم اورنگزیب ءَ کوئٹہ ءَ پولیو ٹیمب ءُُ بلوچستان کانسٹیبلری ءِ ورنا آنی سر ءَ ارش ءَ را سک باز ایراد گپت۔ پنچ شمبے ءِ روچ ءَ وتی یک بیانے ءِ تہءَ آئی ءَ گوشت کہ مئے شہید مئے پگر اَنت، ملک ءُُ ’’ملت‘‘ ءِ رکھھینگ ءِ واستہ آوانی کربانی مُپت ءَ نرونت۔ آئی ءَ گوشت کہ صوبگ ءَ ایمنی ءِ برجائی ءِ واستہ بلوچستان کانسٹیبلری ءِ کربانی آناں سلام پیش کناں۔ مریم اورنگزیب ءَ گوشت کہ پولیو ورکرز مئے زھگ آناں ھُشکوئی ءَ چہ بچارینگ ءِ واستہ وتی پرزآں پیلو کنگ ءَ اَنت، بنی آدم آنی ازمت کنوک آنی سرءَ ارش کنگ سک باز اپسوزی ءُُ لائک ءِ مذمت اِنت۔ آئی ءَ گمیگیں ھاندان ءَ گوں دلی یکوئی ءُُ دلپدردی ءِ درشان کت۔
