اسلام آباد ۔ 18 جنوری (اے پی پی) قومی احتساب بیورو ءِ چیئرمین جسٹس (ر) جاوید اقبال ءَ نیب ہیڈکوارٹرز ءَ یک دیوانے ءِ سروکی کت ایشی ءِ تہ ءَ پانامہ ءُُ برٹش ورجن آئی لینڈ ءَ برجائیں پاکستانی آنی چیریں 435 آف شور کمپنی آنی بابت ءَ کتگیں بنداتی انکوائری رپوٹ ءِ چار ءُُ تپاسی گرگ بوت ءُُ پنت ءُُ شون کت کہ ایف بی آر، ایس ای سی پی ءُُ اسٹیٹ بینک آف پاکستان ءَ چہ ریاکٹیں مالوداری ءِ پُجاری گیش ترند کنگ بہ بیت ءُُ اے رد ءَ اِچ زور ءُُ ترس ءُُ بیم ءَ را دیم ءَ آرگ مہ بیت بلکینگ ءَ میرٹ، شاہدی ءُُ کانود ءِ رد ءَ انکوائری ءَ را آسر ءَ سر کنگ بہ بیت۔ پانامہ ءُُ برٹش ورجن آئی لینڈ ءَ آف شور کمپنی جوڑ کنوک آنی تہ ءَ پیسریگیں ایف بی آر ءِ چیئرمین عبداللہ یوسف ءُُ شایان عبداللہ ءِ گرین وڈانوسٹر، عثمان یوسف ءِ مارلبرو، امیر عبداللہ ءِ 6کمپنی ھوار اَنت۔ ایشی ءَ ابید ا ایندگہ پاکستانی آنی کمپنی آنی بابت ءَ ھم سرجمیں ھال ءُُ مالوم داری دزگیر کنگ ءَ ابید سیادی داروکیں مردم آں چہ کانود ءِ رد ءَ ایشانی آف شور کمپنی آنی برجائی ءِ سبب ءُُ آمدنی ءِ وسیلگ ءِ سرجمیں ھال ءَ ھوار منی ٹریل ھم کتگ ءُُ اے گپ ءِ ھم چار ءُُ تپاسی ھم زورگ بہ بیت کہ آف شور کمپنی جوڑ کنگ ءِ وھد ء۔ منی لانڈرنگ تو کنگ نہ بوتگ ءُُ سرکاری ھزانگ ءَ را توان تو نہ رستگ۔
