اسلام آباد۔ 17 جنوری (اے پی پی)صدر مملکت ممنون حسین ءَ گوشت کہ سعودی عرب مئے دوست اِنت ءُُ براتیں اسلامی ملک اِت ھمک پاکستانی سعودی عرب ءَ را وتی دومی لوگ بھم ایت۔ دوئیں ملک یک ءِ دومیگ ءِ گوما دینی، دود ءُُ ریبدگی ءُُ اقتصادی سیادی ءَ گوں بندوک اَنت ایشی ءَ چہ دوئیں ملک آنی یکوئی آناں گیش ھاٹیگ رسیت۔ آئی ءَ اے گپ ایوان ءِ صدرءَ سعودی عرب ءِ وزارت ءِ تجارت ءُُ سرمایہ کاری ءِ ڈل ءَ گوں گپ ءُُ تران کنان ءَ گوشت ایشی ءَ پد چار شمبے ءِ روچ ءَ وزیر ءِ تجارت ءُُ سرمایہ کاری ڈاکٹر ماجد الکسابی ءِ سروکی ءَ صدر مملکت ءَ گوں گند ءُُ نند کت۔ اے موہ ءِ سر ءَ بُنجاھی وزیر تجارت پرویز ملک، بُنجاھی وزیر دیمپانی انجینئر خرم دستگیرخان، وزیر مملکت برائے ھزانگ ءُُ اقتصادی کار رانا محمد افضل خان، سعودی سفیر کموڈور نواف سعید احمد المالکی، ڈل ءِ باسک ءُُ ایندگہ ٹوھیں کارندہ ھم ساڑی اتنت۔ اے ٹوھیں تک ءِ ڈل پاک سعودی یکجائی وزارتی کمیشن ءِ یازدھمی دیوان ءَ بھر زوری ءِ واستہ پاکستان ءِ تر ءُُ تاب ءَ اِنت۔
