اسلام آباد ۔ 17 جنوری (اے پی پی) صدر مملکت ممنون حسین ءَ گوشت کہ آیوکیں ورناآنی اِنت ءُُ آ ملک ءِ تچ ءُُ تاگ ءَ را وتی کوپگ آں زورگ ءَ وتا تیار بکن اَنت، پاکستان ءِ آیوکیں باندات جمہوریت ءَ گوں بندوک اِنت ھمے ھاترا ضلوری اِنت کہ ما وتی چاگرد ءَ جمہوری رویہ آناں دیمروئی بدیاں۔ آئی ءَ اے گپ ایوان ءِ صدر ءَ پاکستان ءِ جوڑیشت کار قائداعظم محمد علی جناح ءِ زانشتی دانش گاہ سندھ مدرستہ الاسلام یونیورسٹی ءِ نودربر آں گوں گپ ءُُ تران کنان ءَ گوشت آواں چار شمبے ءِ روچ ءَ جامعہ ءِ وائس چانسلر ڈاکٹر محمد علی شیخ ءِ سروکی ءَ آئی ءَ گوں گند ءُُ نند کت۔ صدر ءِ مملکت ءَ گوشت کہ راجی دیمروئی ءِ دزگیر کنگ ایوکی ءَ ھمے ھاترا بوت کنگ وھد ءِ ما راستی ءَ گوں ھمک زانت ءُُ زانشی پڑ ءَ پٹ ءُُ پول ءَ گوں بندوک بہ بنت۔ آئی ءَ اے گپ نوکیں دُگنیا ءُُ نوکیں چاگرد ، سیاسی ءُُ معاشی دلگوشی ءَ ناں بھمگ ءِ ھاترا گیش بوان اَنت ءُُ ھمے رنگ ءِ چست ءُُ ایر آں گوں ھرچی زانشت کہ دزگیر کن اِت ایشرا وتی زند ءِ بھر جوڑ بکن، صدر ءِ مملکت ءَ گوشت کہ پاکستان ءِ آیوکیں باندات جمہوریت ءَ گوں بندوک اِنت ھمے ھاترا ضلوری اِنت کہ ما وتی چاگرد ءَ جمہوری رپک آناں دیمروئی بندیاں۔ صدر ءِ مملکت ءَ نودربر آنی ازم ءِ تہءَ گیشی ءِ واستہ سندھ مدرسۃ الاسلام یونیورسٹی ءِ نیشنل لیڈر شپ پروگرام ءِ توسیپ کت ءُُ ایشرا گیش گہتر کنگ ءِ پنت ءُُ شون دات۔ آئی ءَ امیت سہرا کت کہ اے پروگرام ءِ چیر دستی ءَ نودربر ملک ءِ توک ءَ ءُُ ڈن ءَ ایندگہ زانت ءُُ زانشی ءُُ سرکاری ادارگ آنی تر ءُُ تاب کنگ ءِ موہ رسیت ایشاں چہ آ سک باز چیز ھیل کن اَنت۔ صدر ءِ مملکت ءَ امیت سہرا کت کہ سندھ مدرستہ الاسلام ٹوھیں دانش گاھ ءِ بستار ءَ وتی بالاد ءَ گہتری کار ایت تانکہ نودربر دگنیا ءُُ عملی زندمان ءِ لوٹ آنی رد ءَ گہتریں رنگ ءَ بھمگ ءِ موہ بہ رسیت۔ اے موہ ءِ سر ءَ وائس چانسلر ڈاکٹر محمد علی شیخ ءَ صدر ءِ مملکت ءَ را وتی ادارگ ءِ کرد ءِ بابت ءَ سرپد کت۔
