اسلام آباد۔16جنوری (اے پی پی ) مواصلات ءِ وزارت ءِ نیمگءَ چہ راجی اسمبلی ءَ ر اھال دیئگ بوتگ کہ مزن وزیرءَ بلوچستان ءَ بازیں شاہ دگانی جوڈکنگءِ ھوالگءَ بوتگیں کارانی رپورٹ این ایچ اے ءَ چہ لوٹگ بوتگ کہ آؤکیں لھتیں روچانی تہا مزن وزیر ءَ راپیش کنگ بیت۔ سئے شمبے ءِ روچءَ راجی اسمبلی ءِ تہا نعیمہ کشور خانءِ بلوچستان ءَ دکنی، دکی،‘ لورالائی‘ کوئٹہ‘ تونسہ‘ درگ‘ موسیٰ خیل‘ لورا لائی ءُ ر سپر اراغا لورالائی دگانی جوڈ کنگءِ ھوالگءَ دلگوشی کنگءِ نوٹس ءِ پسو دا تگءُ ملکی وزیر جنید انوار چوہدری ءَ گشتگ کہ اے ھوالگءَ چہ مزن وزیر ءَ مولانا امیرزمان ءِ نمدیءِ سرءَ این ایچ اے ءَ چہ رپورٹ لوٹ اِتگ۔ رپورٹ سربوھگءَ مزن وزیر ءَ را رپورٹ پیش کنگ بیت۔ دلگوشی کنگءِ سرءَ نعیمہ کشور خان، عثمان خان بادینی، آسیہ ناصر ءِ جُستانی پسوءَ ملکی وزیر جنید انوار چوہدری ءَ گشتگ کہ بدبھتی ءَ چہ اے دگ مزنیں شاہ دگ نہ اَنت بلکیں بازیں کوچگاناں ھم دپ کنوکیں دگ اَنت۔ یک میتگ بختیار خان گوٹھ ءِ ھوالگءَ سرپدی رسگءَ نہ اِنت۔ اے دزبندی مزن محمد نواز شریف ءَ را نہ بلکیں مزن وزیر شاہدخاقان عباسی ءَ را دیئگ بوتگ۔ شاہدہ اختر علی ءِ جُستءِ پسوءَ جنید چوہدری ءَ گشتگ کہ 19جنوری ءَ را چیئرمین این ایچ اے واتر بیت کہ ایشی ءِ زوت پد مزن وزیر ءَ را رپورٹ پیش کنگ بیت ءُ پروشتءُ پروشیں شاہ دگانی شرکنگءِ کارءِ ھم تپاسی کنگ بیت۔
