اسلام آباد ۔ 16 جنوری (اے پی پی) مزن وزیر شاہد خاقان عباسی ءَ گوشت کہ الس آناں جان سلامتی ، وانگ ءُُ زانگ ، روزگار ءِ موہ ءِ وڑیں بنیاتی آسراتی ءِ پُجاری حکومت ءِ اولی ترجی اِنت ۔ آئی ءَ اے گپ سندھ مدرستہ الاسلام یونیورسٹی، گورنمنٹ سکولز لوئر ٹوپہ، لارنس کالج، سلک حطار ءُُ اسلام آباد ماڈل سکول برائے نودربر آں گوں سیادی داروکیں نودربر آنی دو جتا جتائیں ڈل آں گوں تران کنان ءَ کت آئی ءَ سئے شمبے ءَ مزن وزیر کارگس ءَ آئی ءَ گوں گند ءُُ نند کت۔ مزن وزیر ءَ گوشت کہ وانگ ءُُ زانگ چاگرد ءِ دیمروئی ءِ کلیت اِنت ءُُ وانگ ءُُ زانگ ءِ وسیلگ ءَ ورنا زندمان ءِ چیلنج آں گوں دیم پہ دیمی کنگ ءُُ چاگرد ءِ دیمروئی ءِ واستہ وتی ازمکاری ءِ رد ءَ کرد ءَ پیلو کنگ ءِ لائک جوڑ کت کن اَنت۔ اے گند ءُُ نند ورنا آں گوں مزن وزیر ءِ رابطہ پراگرام ءِ بھر اِت ایشی ءِ چیر دستی ءَ جتا جتائیں وانگ ءُُ زانگی ادارگ آنی نودربر مزن وزیر کارگس ءِ نیمگ دلگوش کنان ءَ ٹوھیں کارگس آنی کار آنی ھوالگ ءَ سرپدی دیگ بیت۔ وائس چانسلر سندھ مدرسۃ الاسلام ڈاکٹر محمد علی شیخ ءَ اے موہ ءِ سرءَ بریفنگ دیان ءَ گوشت کہ اے ادارگ 1887ءِ ساھت ءَ قائداعظم محمد علی جناح ءِ بنیاتی دانش گاھ بوتگ، قائداعظم ءَ وتی مڈی آنی ٹوھیں بھر ءِ ’’عطیہ‘‘ ھم کتگ بوتگ ایشی ءِ مشن جاڑی بہ بیت۔ آئی ءَ نودربر آناں گوشت کہ آئی ءِ ادارگ ءِ نیمگ ءَ یک یوتھ لیڈرشب پروگرام ءِ ھم بندات کنگ بوتگ۔ ایشی ءَ ابید نودربر آں مزن وزیر ءِ کارگس ءِ جتا جتائیں بھر آنی تر ءُُ تاب ھم کت آھودا آئی ءَ را اے کارگس آنی کار ءِ بابت ءَ سرپد کنگ بوت۔
