بینظیر انکم سپورٹ پروگرام ءِ گریجویشن پروگرام ءِ ھندی گیشءُ گیوار کنگءَ گہتریں میاں اوستمانی وڈءُ پیمءُ گوستءِ تجروبت کارمرز کنگ بنت
اسلا م آباد ۔ 16جنوری (اے پی پی) مزن وزیر شاہد خاقان عباسی ءَ نیزگاریںءُ ضلورت مندیں مردماناں نیزگاریءَ چہ رکھینگءِ ھاترءَ بینظیر انکم سپورٹ پروگرام ءِ گریجویشن پلان ءِ ھاترءَ گہتریں میاں اوستمانی وڈءُ پیمءُ گوستءِ تجروبتاں کارمرز کنگءِ ضلورت ءِ سرءَ زور پِرداتگ۔ آئیءَ اے گپ سئے شمبے ءِ روچءَ بینظیر انکم سپورٹ پروگرام ( بی آئی ایس پی ) ءَ چہ پاھدگ چست کنوکانی ھاترءَ گریجویشن پلان ءِ ھوالگءَ شونشتءِ سروکی کنانءَ کتگ۔ بی آئی ایس پی ءِ چیئرپرسن ماروی میمن، سیکرٹری بی آئی ایس پی عمر حمید خانءُ دگہ سینئر افسرھم دیوانءَ ساڑی بوتگ اَنت۔مزن وزیرءَ گریجویشن ءِ حکمت عملی ءِ ھوالگءَ سرپد کنگ بوتگ کہ بینظیر انکم سپورٹ پروگرام ءَ چہ پاھدگ چست کنوکیں مردماناں آھانی لوگی آمدنی ءِ تہا گیشی ، ہنر مند جوڈ کنگءِ تربیتءُ انسانی وسائل ءِ تہا دیمروئی ءَ ھوار پلاح ءُ گہبود ءَ را گیش کنگءَ نیزگاری ءَ را ھلاس کنگءِ ھاترءَ گامگیج چست کنگ بوھگءَ اِنت۔ آئی ءَ گشتگ کہ مزن وزیرءَ را پروگرام ءِ بازیں بھرآنی تہا ایشیءَ چہ پاھدگ چست کنوکیں مردمانی مالی کمک ءُ پروگرام ءَ سربوھگءِ ھوالگءَ سرپد کتگ۔ مزن وزیرءَ بی آئی ایس پیءِ ٹیم ءِ کوشستاناں ساڑاتگءُ گشتگ کہ دراھیں تکءُ پھناتاں دیم ایر کنگءُ یک جوانیں ءُ تچکیں منصوبہ پیش کنگ بہ بیت کہ پاھدگ مند بہ بیت۔ آئیءَ گشتگ کہ گریجویشن پروگرام ءِ ھندی گیشءُ گیوار کنگءَ گہتریں میاں اوستمانی وڈءُ پیمءُ گوستءِ تجروبت کارمرز کنگ بنت ۔۔
