اسلام آباد۔ 15 جنوری (اے پی پی) مزن وزیر شاہد خاقان عباسی ءَ گوں ترکمانستان ءِ وزارتی کابینہ ءِ نائب چیئرمین ءُُ وزیر برائے درئی کار راشد مریدوف ءَ وش اتکی گند ءُُ نند کت۔ گند ءُُ نند ءَ دوئیں ملک آنی نیام ءَ تجارت ءَ را گیش کنگ ءِ واستہ دگ ءُُ ریل گاڑی ءِ پٹڈی ءَ ھوار روگ ءُُ آیگ ءِ مں صوبگ آنی سرءَ کار ءَ را ترند کنگ ءِ سرءَ تپاک کنگ بوت۔ آئی ءَ مزن وزیر ءَ ارا ترکمانستان ءِ صدر ءِ نیمگ ءَ نیکیں واھشت آنی کلوہ سر کت ءُُُ ترکمانستان ۔افغانستان۔پاکستان۔انڈیا (تاپی) گیس پائپ لائن پراجیکٹ ءَ ھوار ھاٹیگ ءِ ایندگہ منصوبگ آنی سرءَ دیمروئی ءِ بابت ءَ بریفنگ دات۔مزن وزیر شاہد خاقان عباسی ءَ ترکمانستان ءِ گوما ھاٹیگ ءِ منصوبگ آنی زوت سرجمی ءَ پاکستان ءِ نیمگ ءَ واھشتی درشان کت ءُُ تاپی منصوبگ ءَ را ساڑات۔ ترکمانستان ءِ درئی کارانی وزیر ءَ مزن وزیر ءَ را توان ءِ ٹرانسمیشن لائن ءُُ فائبر آپٹک ءِ شور ءُُ مشور آنی بابت ءَ سرپد کت۔ آئی ءَ پاکستانی کمپنی آناں ترکمانستان ءِ نیمگ ءَ چہ تاپی منصوبگ ءِ واستہ پیش کتگیں ٹینڈر آنی تہ ءَ ھوار کپگ ءِ دعوت دات۔
