اسلام آباد۔ 15جنوری (اے پی پی) مزن وزیر شاہد خاقان عباسی ءَ گشتگ کہ کم ءُ گیش 5.5درسد ءِ شرح ءِ گوما دیمروئی ءِ کشک ءَ رھادگ پاکستانی معیشت ، ٹرانسپورٹ ءَ ھواربازیں پڑآنی تہا جوانیں بیپاری ءِ موھ پیش کنت، پاک۔ چین اقتصادی راہداری ءَ نہ تنا پاکستان بلکیں سرجمیں خطہ ءِ ھاترءَ اقتصادی موھ ءِ نوکیں کشک پچ اَنت کہ ایشاں چہ پاھدگ ھاصل کنگ ءِ ھاترءَ کارمرز کنگ لوٹ ایت۔ آئیءَ اے گپ میاں اوستمانی فیڈریشن آف فریٹ فارورڈز ایسوسی ایشنز ( ایف آئی اے ٹی اے ) ءِ ڈل ءَ گوں گپءُ تران کنانءَ کتگ کہ آے وتی سروک بابر بادات ءِ سروکی ءَ دوشمبے ءِ روچءَ مزن وزیر کارگسءَ گندءُ نند کتگ۔ مزن وزیر ءَ گشتگ کہ سی پیک منصوبہ ءِ سوبمندی ءِ سرجمی ءَ پد پاکستان ھاس ھشکی ءِ تہا استیں اوگانستان ءُ وسطی ایشیائی ریاست آنی ھاتر ءَ دراج بھریں ءُ جوانیں بیپاری ءُ نزیکی جوڈ کنگءِ ھاترءَ ساڑی اِنت۔ آئی ءَ گشتگ کہ سی پیک ءَ نہ تنا پاکستان بلکیں سرجمیں دمگ ءِ ھاترءَ نوکیں کشک پچ کتگ، اے اقتصادی موھاں چہ پاھدگ چست کنگءِ ھاترءَ گامگیج کنگ بہ بیت۔مزن وزیرءَ ڈلءَ را اوست داتگ کہ حکومت ملک ءِ تہا جوانیں نپ ءِ بیپاری منصوبہ آنی تہا ایف آئی اے ٹی اے ءَ را ھمک بوھوکیں کمک ءَ را پھجارین ایت۔
