راجی راجدپتر ءُُ ادبی مڈی ڈویژن ءِ چیر دستی ءَ کار کنوکیں راجدپتری ، زانشی ءُ ادبی ادارگ آنی دروری کرد لائکءِ توسیپ اِنت، علم ءُُُ ادب چاگرد ءِ زھنی ءُُ روحانی ردوم ءِ واستہ سک باز ارزشتی کرد پیلو کن انت
اسلام آباد ۔ 15 جنوری (اے پی پی) صدر مملکت ممنون حسین ءَ گوشتے کہ قومی راجدپتر ءُُ ادبی مڈی ڈویژن ءِ چیر دستی ءَ کار کنوکیں راجدپتری، زانشی ءُُ ادبی ادارگ آنی دروری کرد لائک ءِ توسیپ ءُُ ساڑا اِنت ایش چاگرد ءَ ایمنی، یکوئی ءِ جوزگ آنی دیمروئی ءِ واستہ سک باز ارزشت دار ایت۔ آئی ءَ اے گپ راجی راجدپتر ءُُ ادبی مڈی ڈویژن ءِ واستہ مزن وزیر ءِ مشیر عرفان صدیقی ءَ گوں تران کنان ءَ گوشت آئی ءَ دو شمبے ءَ ایوان ءِ صدر ءَ آئی ءَ گوں گند ءُُ نند کت۔ صدر ءَ گوشت کہ زانت ءُُ زانش ادب چاگرد ءِ زھنی ءُُ روحانی ردوم ءِ واستہ سک باز ارزشتی کرد پیلو کنت۔ صدر ءَ گوشت کہ راجی راجدپتر ءُُ ادبی مڈی ڈویژن ءِ چیر دستی ءَ چلوکیں ادارگ آں گوستگیں کمو وھد ءُُ پاس آنی تہ ءَ لائک ءِ توسیپی کرد پیلو کتگ۔ آئی ءَ مشیر ءِ مزن وزیر ءِ ازمت آناں ساڑات ءُُ امیت سہرا کت کہ اے ادارگ آناں گیش گہتر کنگ بیت۔ اے موہ ءِ سرءَ عرفان صدیقی ءَ راجی راجدپتر ءُُ ادبی مڈی ڈویژن ءِ چیر دستی ءَ چلوکیں راجدپتری، زانشتی ءُُ ادبی ادارگ آنی کر ءِ بابت ءَ صدر ءِ مملکت ءَ را سرپد کت۔
