2018ءِ لس گچین کاری ءَ باج برئی پدا مسلم لیگ (ن) ءِ کوپگ آں بیت ءُُ ھلاپ کنوک فیس بک ءَ گوں سر مہ سر باں
حافظ آباد ءِ راجدپتر ءَ دُرستا ں چہ گیش دیمروئی ءِ کار مئے باریگ ءَ بوتگ
اسلام آباد۔ 15 جنوری (اے پی پی) بُنجاھی وزیر ہیلتھ سروسز سائرہ افضل تارڑ ءَ گوشت کہ ما کہ الیکشن ءِ ساھت ءَ اُلس ءَ گوں ھما سوگند کتگ بوتگ آں اللہ پاک ءِ فضل ءُُ کرم ءَ چہ پیلو کتگ آں، حافظ آباد ءِ راجدپتر ءَ چست کن بچار کہ دُرستاں چہ گیش دیمروئی کار مئے دور ءُُ باریگ ءَ بوتگ اَنت۔ دو شمبے ءَ ضلع ءِ حافظ آباد ءِ دمگ کوٹ قادر بخش ءَ سوئی گیس ءِ بنگیجی مراگش ءَ گوں گشتانک دیان ءَ کت بُنجاھی وزیر ءَ گوشت کہ مئے حکومت مُپتیں جاک ءُُ کوکار آنی سر ءَ یکیم نہ دار ایت، ایراد گرگ آسان اِنت، کار کنگ سک گران اِنت، ما کار کتگ ءُُ پیش داشتگ۔ آئیءَ گوشت کہ انشاء اللہ ما وتی کرد ءِ سبب ءَ 2018ءِ لس گچین کاری ءَ پد ءَ کامیاتی مسلم لیگ (ن) ءِ کوپگ آں بیت ءُُ ھلاپ کنوک فیس بک ءَ گوں سر مہ سر باں۔ سائرہ افضل تارڈ ءَ گوشت کہ انوں اللہ پاک ءِ فضل ءُُ کردم ءَ چہ پاکستان دیمروئی ءِ کشک ءَ رھادگ اِنت، پاکستان ءِ دیمروئی ءُُ وشھالی مئے لیکہ انت۔
