لاہور۔ 14جنوری (اے پی پی) بنجائی وزیر داخلہ احسن اقبال پارینے کہ ٹیکسٹائل سیکٹر اٹی شونداری ءِ اتنگ کن گام گیج کننگ اُن، داڑآن معیشت گچین مریک، پاکستان نا صنعت کار آک سی۔پیک نا رداٹ ڈٹ آتیٹی اوار مننگ کن تینے تیار کیر، عمران خان تینا سیاسی مرک اٹ کسکنے ، اونا ذکر ءِ داسہ بایدے کننگپ، او پاکستان ءِ مون تروک مشکل آتون جنگ کننگ نا قابل اف، طاہر القادری ملک اٹی برانز، مچی، دھرنہ و ملک ءِ جمود نا گواچی کرسا کینیڈا غا نرک، عمران خان طاہر القادری نا کمک اٹ تینا ایجنڈا ءِ دوئی کیک و ورناتا آخبت ءِ تہارمہ کیک، اینخو سال گروتھ ریٹ 6 درسد مریک ہراڑآن ثابت مریک کہ پاکستان ترندی اٹ شون ہلنگ ءِ ، سانحہ قصور افسوزناک ءِ ، واقعہ غا سیاست چمکائفوک آک الس ءِ تینا کارکڑد ءِ نشان ایتر، او یک شنبے نادے اسہ ہندی گارمنٹس فیکٹری اسے نا دورہ نا وخت آ میڈیا تون ہیت وگپ کریکہ۔
