اسلام آباد۔ 14جنوری (اے پی پی) دفترخارجہ نا ترجمان ڈاکٹر فیصل خان پارینے کہ اوغانستان آن پاکستانی گل زمین آ جلہو آک بایدے سلر۔ تدوک آ دے پاکستان ٹیلی ویژن تون ہیت وگپ کرسا اوپارے کہ پاکستان لکھ آ اوغان باہوٹ آتا میزبانی ءِ کننگ ءِ و داسہ اوفک جوانی اتون تینا باوہ و پیرہ ہی وطن آبایدے کار۔ اوپارے کہ اوغانستان نا زیات تر علاقہ اوغان حکومت نا کوزہ ٹی اف۔ ترجمان دفترخارجہ نا پاننگ ئس کہ اوغانستان آن دہشت گردی نا ماس آن چٹفنگ کن امریکہ و نیٹو فورس آک ہموڑے کاریم کننگ ءُ۔
