راولپنڈی۔ 14جنوری (اے پی پی) پاک فوج انا شعبہ تعلقات عامہ (آئی ایس پی آر) الس ءِ خبر دار کرینے کہ گڑاس بندغ پاک فوج انا نمائندہ جوڑ مرسا جعلی ٹیلی فون کال کننگ ءُ، اوفتیان خیال کننگے، السی آگاہی کن آئی ایس پی آر نا کنڈآن جاری کلہو اٹی پاننگانے کہ گڑاس بندغ پاک فوج انا نمائندہ جوڑ مرسا خلقت ءِ ٹیلی فون کال کننگ ءُ ہراٹی مردم شماری نا معلومداری نا بہانہ اوفتا بینک اکاؤنٹ آتا سرجم و شناختی کارڈ نمبر آتا ہریفنگ انگ ءِ۔ ترجمان آئی ایس پی آر نا پاننگ ءِ کہ الس ءِ معلومدار کننگک کہ دُن انگا جعلساز آتیان ہوشیار مریر، پاکستان نا سلہہ بند فوج انا نمائندہ غاتا کنڈآن دُن ءُ ہچ ءُ ٹیلی فون رابطہ اس کننگ پننگ ءِ ۔ ترجمان آئی ایس پی آر الس آن خواست کرے کہ دُن انگا جعلساز آتا ٹیلی فون کال آتا ورندی ءِ تفس وخت اس کہ سلہہ بند فوج انا نمائندہ نا دروشم اٹ کال کروک آنا برخلاف ہیلپ لین 1125 و 1135آ رپورٹ کننگ نا پاننگانے۔
