اسلام آباد۔ 14جنوری (اے پی پی) حج 2018 ء کن درخواست آتا ہلنگ نا بناء اینو (دوشنبے) نا دے آ مریک ہرا 24جنوری اسکان برجاسلک۔ درخواست آتا قرعہ اندازی 26جنوری آ کننگک۔ وزارت مذہبی امور نا رداٹ اینخو سال سرکاری حج اسکیم نا رداٹ 1لکھ 20 ہزار و پرائیویٹ حج اسکیم نا رداٹ 59 ہزار 210 خوش نصیب حج انا سعادت ءِ دوئی کیرہ۔ ہارڈ شپ کوٹہ نا رداٹ 2400 عازمین حج انا آسراتی ءِ دوئی کیرہ۔ کراچی، کوئٹہ، سکھر آن 2لکھ 83ہزار 50 روپئی وخت اس کہ پشاور ، اسلام آباد ، لاہور، رحیم یارخان، فیصل آباد و سیالکوٹ آن 2لکھ 93ہزار 50 روپئی نا فی کس خڑچ وصول کننگک۔
